ଭୁବନେଶ୍ବର: ଆଗାମୀ ଚଳଚ୍ଚିତ୍ର ‘ଅଟ୍ରୋଗ୍ରାଫ’ର ଶୁଭ ମହୁରତ ଅନୁଷ୍ଠିତ ହୋଇଯାଇଛି । ଏହି ମହୁରତରେ ମୁଖ୍ୟ ଅତିଥି ଭାବେ ଲୋକପ୍ରିୟ ପ୍ରଯୋଜକ ଅକ୍ଷୟ ପରିଜା, ସଞ୍ଜୟ ନାୟକ(ଟୁଟୁ) ଏବଂ ସମାଜସେବୀ ଶଶିଭୂଷଣ ସାହୁ ଯୋଗ ଦେଇଥିଲେ ।
‘ଅଟ୍ରୋଗ୍ରାଫ୍’ର ପ୍ରଯୋଜକ ପ୍ରସନ୍ନ ଦ୍ବିବେଦୀ(ଟୁନା) ଓ ଏ. ଆର, ରେହମନଙ୍କ ସହ ଏହି ମହୁରତରେ ଚଳଚ୍ଚିତ୍ରର ପୁରା କଳାକାର ନଜର ଆସିଥିଲେ । ଚଳଚ୍ଚିତ୍ରର ଅଭିନେତା ଦୀପକ, ନବାଗତ ଅଭିନେତ୍ରୀ ସ୍ବାତୀ, ପିଣ୍ଟୁ ନନ୍ଦ, ପ୍ରତିଭା ପଣ୍ଡା, ପୂଜା, ଜୀବନ ପଣ୍ଡା, ବିଜୁ ବଡ଼ଜେନା ମୁଖ୍ୟ ଭୂମିକାରେ ଅଭିନୟ କରୁଥିବାର ଦେଖାଯିବେ।
ଚଳଚ୍ଚିତ୍ରର କାହାଣୀ ପରିକଳ୍ପନା ନିଜେ ପ୍ରଯୋଜକ ପ୍ରସନ୍ନ କରିବାକୁ ଯାଉଥିବା ବେଳେ ଏଥିରେ ସଂଳାପ ଦେବେ ଆଶୁତୋଷ । ସେହିପରି ଚଳଚ୍ଚିତ୍ରରେ ସଙ୍ଗୀତ ନିର୍ଦ୍ଦେଶନା କାର୍ଯ୍ୟ ସମ୍ଭାଳିବେ ଅଭିଜିତ୍ ମଜୁମଦାର ।
‘ଅଟୋପ୍ରାଫ୍’ ଚଳଚ୍ଚିତ୍ରରେ ଚିତ୍ରନାଟ୍ୟ ପ୍ରସ୍ତୁତି କରିବା ସହ ନିର୍ଦ୍ଦେଶନା ଦେବେ ରମେଶ ରାଉତ । ଅନ୍ୟପଟେ ସମ୍ପାଦନା କରିବେ ରାଜେଶ ରାଉତ ଏବଂ ଡିଓପି ଭୂମିକାରେ କାର୍ଯ୍ୟ କରିବେ ଅଜିତ । ଚଳଚ୍ଚିତ୍ରର କ୍ରିଏଟିଭ ହେଡ ରୂପେ ପ୍ରଣୟ ଜେଠୀ ଥିବା ବେଳେ ପବ୍ଲିସିଟି ଡିଜାଇନ କରିବେ ଆଠାର ଅଲ୍ଲୀ ।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ