ସରିଲା ଚଳଚ୍ଚିତ୍ର 'ଫ୍ରମ ମି ଟୁ ୟୁ'ର ସୁଟିଂ

ଶେଷ ହେଲା ଚଳଚ୍ଚିତ୍ର 'ଫ୍ରମ ମି ଟୁ ୟୁ'ର ସୁଟିଂ । ଖୁବଶୀଘ୍ର ଏହି ଚଳଚ୍ଚିତ୍ର ଜରିଆରେ ଦର୍ଶକଙ୍କୁ ମଜାଦାର କାହାଣୀ ପରଦାରେ ଦେଖିବାକୁ ମିଳିବ ।

ଭୁବନେଶ୍ବର: ରିସ୍ତା ୱେବ ଏଣ୍ଟରଟେନମେଣ୍ଟ ବ୍ୟାନରେ ତିଆରି ହୋଇଥିବା ଚଳଚ୍ଚିତ୍ର 'ଫ୍ରମ ମି ଟୁ ୟୁ' ରିଲିଜ ହେବାକୁ ପ୍ରସ୍ତୁତ ହୋଇସାରିଛି । ଯାହାର ସୁଟିଂ ଗତ କାଲି ଶେଷ ହୋଇଛି ।

ଏହି ମଜାଦାର ଡ୍ରାମା ଚଳଚ୍ଚିତ୍ରର ନିର୍ଦ୍ଦେଶନା ଦାୟିତ୍ବ ହେମନ୍ତ କୁମାର ସାହୁ ତୁଲାଇଛନ୍ତି ଥିବା ବେଳେ ସହ-ନିର୍ଦ୍ଦେଶକ ରୂପେ କାମ କରିଛନ୍ତି ଅଶ୍ବନି ଗଡନାୟକ । ଚଳଚ୍ଚିତ୍ରରେ ମ୍ୟୁଜିକର ତଡକା ଲଗାଇଛନ୍ତି ପ୍ରେମ ଆନନ୍ଦ ।

'ଫ୍ରମ ମି ଟୁ ୟୁ' ଚଳଚ୍ଚିତ୍ରରେ ମୁଖ୍ୟ ଭୂମିକାରେ ନଜର ଆସିବେ ଅଭିନେତା ଜ୍ୟୋତି ଓ ଅମ୍ଲନ । ପରଦାରେ ଦର୍ଶକ ଏହି ଦୁଇ ଅଭିନେତାଙ୍କ ମଜାଦାର କମେଡି ମଧ୍ୟ ଦେଖିବାକୁ ପାଇବେ । ସେହିପରି ତାଙ୍କ ସହ ରୋମାନ୍ସ କରୁଥିବାର ଦେଖାଯିବେ ଅଭିନେତ୍ରୀ ଶ୍ରଦ୍ଧା ।

ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ