ମୁମ୍ବାଇ: ଏମ ଟିଭିର ପପୁଲାର ରିୟାଲିଟି ଶୋ ‘ଏସ ଅଫ ସ୍ପେସ’ ସିଜନ 1ର ସଫଳତା ପରେ ଏବେ ସିଜନ 2 ଦେଖିବାକୁ ପ୍ରସ୍ତୁତ ହୋଇସାରିଲେଣି ଦର୍ଶକ । ଶୋର ମାଷ୍ଟରମାଇଣ୍ଡ ବିକାଶ ଗୁପ୍ତା ପୁଣିଥରେ ହୋଷ୍ଟ ଭୂମିକାରେ ଦେଖାଯାଇଛନ୍ତି । ପୂର୍ବରୁ ଶୋ'କୁ ନେଇ ପ୍ରତିଯୋଗିକଙ୍କ ଲିଷ୍ଟ ଲିକ ହୋଇଯାଇଥିଲା । ଆଉ ଶନିବାର 6ଟାରେ ଶୋ' ଅନଏୟାର ହୋଇଯାଇଛି ।
‘ଏସ ଅଫ ସ୍ପେସ’ ସିଜନ 2ରେ ପ୍ରକୃତିଙ୍କ ଜଲୱା
ଆରମ୍ଭ ହେଲା ଏସ ଅଫ ସ୍ପେସ ସିଜନ 2 । ପ୍ରତିଯୋଗୀ ଭୂମିକାରେ ନଜର ଆସିଲେ ଓଡ଼ିଆ ଝିଅ ପ୍ରକୃତି ମିଶ୍ର । ଏଥର ଦର୍ଶକ ଦେଖିବେ ପ୍ରକୃତିଙ୍କ ମସ୍ତି ।
ଫଟୋ ସୌଜନ୍ୟ: ଇନଷ୍ଟାଗ୍ରାମ@ପ୍ରକୃତି ମିଶ୍ର
ଏଥର ଏହି ଶୋ'ରେ ଓଡ଼ିଆ ଝିଅର ଜଲୱା ଦେଖିବାକୁ ମିଳିବ । ଆଜ୍ଞା ହଁ, ଓଡ଼ିଆ ଅଭିନେତ୍ରୀ ପ୍ରକୃତି ମିଶ୍ର ମଧ୍ୟ ଶୋ/ରେ ପ୍ରତିଯୋଗୀ ରୂପେ ନଜର ଆସିଛନ୍ତି । ଯାହାକୁ ନେଇ ଉତ୍ସାହିତ ତାଙ୍କ ଫ୍ୟାନ୍ସ । ବର୍ତ୍ତମାନ ଆଣ୍ଡ ଟିଭିର ପପୁଲାର ଧାରାବାହିକ ‘ବିଟି ବିଜନେସୱାଲା’ରେ ଅଭିନୟ କରୁଥିବାର ଦେଖାଯାଉଛନ୍ତି ପ୍ରକୃତି ।
ପ୍ରକାଶ ଥାଉକି ପ୍ରକୃତି ଓଡ଼ିଆ ସଟ ଫିଲ୍ମ ‘ହାଲୋ ଆରସି’ ପାଇଁ ନ୍ୟାଶନାଲ ଆୱାର୍ଡ ପାଇ ସାରିଛନ୍ତି । ସେ ମାତ୍ର ପାଞ୍ଚ ବର୍ଷ ବୟସରେ ଅଭିନୟ କ୍ୟାରିୟର ‘ସାବତ ମା’ରୁ ଆରମ୍ଭ କରିଥିଲେ । ସେ ଇଟିଭି ଓଡିଆର ଧାରାବାହିକ ‘ତୁଳସୀ’ରେ ଅଭିନୟ କରି ପପୁଲାର ହୋଇଥିଲେ । ଏହି ଧାରାବାହିକଟି 2006ରେ ପ୍ରସାରିତ ହୋଇଥିଲା । ସେ ଓଡି଼ଶା ଷ୍ଟେଟ ଫିଲ୍ମ ଆୱାର୍ଡ ଚାଇଲ୍ଡ ଆକ୍ଟର ରୂପେ ‘ଶାଶୂଘର ଚାଲିଯିବି’ ପାଇଁ ପାଇଥିଲେ ।‘ଏସ ଅଫ ସ୍ପେସ’ରେ ପ୍ରକତୃଙ୍କ ସହ ଅକ୍ଷୟ କକ୍କର, ଅକ୍ଷିତା ପଟିଆଲା, ବସର ଅଲ୍ଲୀ, ଦୀପକ ଠାକୁର ନଜର ଆସିବେ ।