ରିଲିଜ ହେଲା 'ମହର୍ଷି' ଟିଜର

ରିଲିଜ ହେଲା ତେଲୁଗୁ ସୁପରଷ୍ଟାର ମହେଶ ବାବୁଙ୍କ ଆଗାମୀ ଫିଲ୍ମ 'ମହର୍ଷି'ର ଟିଜର । ଯାହାକୁ ନେଇ ଖୁବ୍ ଉତ୍ସାହିତ ଫ୍ୟାନ୍ସ । ଟିଜରରେ ମହେଶଙ୍କ ଜବରଦସ୍ତ ଆକ୍ସନ ସିନ ଦେଖିବାକୁ ମିଳୁଛି ।

ମୁମ୍ବାଇ: ତେଲୁଗୁ ସୁପରଷ୍ଟାର ମହେଶ ବାବୁଙ୍କ ବହୁ ପ୍ରତିକ୍ଷିତ 25ତମ ଫିଲ୍ମ 'ମହର୍ଷି'ର ଟିଜର ପରିଶେଷରେ ରିଲିଜ ହୋଇଯାଇଛି । ଯାହା ବର୍ତ୍ତମାନ ପ୍ରଶଂସକଙ୍କ ମଧ୍ୟରେ ଧୁମ ମଚାଇଛି । ମହେଶ ଟ୍ବିଟରେ ଟିଜର ସେୟାର କରି ପ୍ରଶଂସକଙ୍କୁ ଉଗାଦିର ଶୁଭକାମନା ଜଣାଇଛନ୍ତି । ରିଲିଜର କିଛି ସମୟ ମଧ୍ୟରେ ଏହି ଟିଜର ଖୁବ୍ ଭାଇରାଲ ହୋଇଛି । ଏହାକୁ ଏଯାବତ 50 ଲକ୍ଷ ଥର ଦେଖା ସରିଲାଣି ।

ଟିଜରରେ ମହେଶ ଦୁଇଟି ଭିନ୍ନ ଭିନ୍ନ ଲୁକରେ ନଜର ଆସୁଛନ୍ତି । ଏହାସହ ତାଙ୍କ ଆକ୍ସନ ଅବତାର ମଧ୍ୟ ଦେଖିବାକୁ ମିଳିଛି । ଟିଜର ଜରିଆରେ ଏହା କହିବାକୁ ଚେଷ୍ଟା କରାଯାଇଛି ଯେ 'ମହର୍ଷି' ଫିଲ୍ମରେ ଶାନଦାର ଡାଇଲଗ ଏବଂ ଜବରଦସ୍ତ ଆକ୍ସନ ସହ ଏହା ଏକ ଆକ୍ସନ ଡ୍ରାମା ଫିଲ୍ମ ।

ପ୍ରକାଶ ଥାଉକି 'ମହର୍ଷି'ର ପ୍ରଥମ ଲୁକ ଏବଂ ଟିଜର ମହେଶଙ୍କ ଜନ୍ମଦିନରେ ଜାରି ହୋଇଥିଲା । ଯାହାକୁ ଖୁବ୍ ପସନ୍ଦ କରିଥିଲେ ଦର୍ଶକ । ଫିଲ୍ମଟି ଏପ୍ରିଲରେ ରିଲିଜ ହେବାକୁ ଯାଉଛି ।