ରିଲିଜ ହେଲା ଓଡି଼ଆ କ୍ଷୁଦ୍ର ଚଳଚ୍ଚିତ୍ର 'ସାୱାରିୟା'

ଭାଲେଣ୍ଟାଇନ ଅବସରରେ ଦର୍ଶକ ଦେଖିବାକୁ ପାଇଛନ୍ତି ଏକ ଶାନଦାର ରୋଣ୍ଟିକ ଓଡ଼ିଆ କ୍ଷୁଦ୍ର ଚଳଚ୍ଚିତ୍ର ସାୱାରିୟା । ଫିଲ୍ମରେ ମୁଖ୍ୟ ଭୂମିକାରେ ନଜର ଆସିଛନ୍ତି କୋରିଓଗ୍ରାଫର ବିଦୁ ଓ ସଙ୍ଗୀତା ।

ଭୁବନେଶ୍ୱର: 'ଭାଲେଣ୍ଟାଇନ ଡେ' ଅବସରରେ ଓଲିଫେକ୍ସ ନିବେଦିତ ଓଡ଼ିଆ କ୍ଷୁଦ୍ର ଚଳଚ୍ଚିତ୍ର 'ସାୱରିୟା' ରିଲିଜ ହୋଇଛି । କିଛି ମାସ ପୂର୍ବରୁ ପୋଲାଣ୍ଡର ଝିଅର ପ୍ରେମ କାହାଣୀ ବହୁ ଚର୍ଚ୍ଚାରେ ଥିଲା । ଖାଲି ଏତିକି ନୁହେଁ ସୋସିଆଲ ମିଡିଆରେ ଏହି ଝିଅର ପ୍ରେମ ବାର୍ତ୍ତା ମଧ୍ୟ ଘୁରି ବୁଲିଥିଲା । ଏହି କାହାଣୀଙ୍କୁ ଆଧାର କରି ତିଆରି ହୋଇଛି ଚଳଚ୍ଚିତ୍ର ସାୱାରିୟା ।

ପୋଲାଣ୍ଡ ଝିଅର ପ୍ରେମକାହାଣୀକୁ ନେଇ ଫିଲ୍ମ ସାୱାରିଆର କାହାଣୀ ଗତିଶୀଳ । ତେବେ ପ୍ରଥମ ଦିନରେ ଏହି ସିନେମାକୁ ବେଶ ପସନ୍ଦ କରିଛନ୍ତି ସିନେପ୍ରେମୀ ।

'ସାୱାରିୟା'ରେ ମୁଖ୍ୟ ଅଭିନେତା ଭୂମିକାରେ ନଜର ଆସିଛନ୍ତି ଓଡି଼ଶାର ଜଣାଶୁଣା କୋରିଓଗ୍ରାଫର ବିଦୁ । ଅନ୍ୟପଟେ ତାଙ୍କ ଅପୋଜିଟରେ ଅଭିନୟ କରିଛନ୍ତି ଅଭିନେତ୍ରୀ ସଙ୍ଗୀତା । ଚଳଚ୍ଚିତ୍ରର ରୋମାଣ୍ଟିକ ଗୀତରେ କଣ୍ଠ ଦାନ କରିଛନ୍ତି ଲୋକପ୍ରିୟ ଗାୟିକା ଆସୀମା ପଣ୍ଡା ।