ରିଲିଜ ହେଲା ବହୁ ପ୍ରତିକ୍ଷିତ 'ଜୋକର'ର ଟ୍ରେଲର

ବହୁ ପ୍ରତିକ୍ଷିତ ସାଇକୋଲୋଜିକାଲ ଥ୍ରିଲର ଫିଲ୍ମ 'ଜୋକର'ର ଟ୍ରେଲର ପରିଶେଷରେ ରିଲିଜ ହୋଇଯାଇଛି । ଯାହାକୁ ନେଇ ଖୁବ୍ ଉତ୍ସାହିତ ଦର୍ଶକ । ଫିଲ୍ମଟି ଅକ୍ଟୋବର 4ରେ ଭାରତରେ ରିଲିଜ ହେବ ।

ନୂଆଦିଲ୍ଲୀ: ଯେଉଁ ସାଇକୋଲୋଜିକାଲ ଥ୍ରିଲ ବେଷ୍ଟ ଫିଲ୍ମ 'ଜୋକର'ର ଗୋଟିଏ ଝଲକ ଦେଖିବା ପାଇଁ ଦର୍ଶକ ଦୀର୍ଘ ସମୟରୁ ଅପେକ୍ଷା କରିଥିଲେ, ପରିଶେଷରେ ଫିଲ୍ମର ଟ୍ରେଲର ରିଲିଜ ହୋଇଯାଇଛି । ନିର୍ଦ୍ଦେଶକ ଟଡ ଫିଲିପ୍ସଙ୍କ ନିର୍ଦ୍ଦେଶନାରେ ତିଆରି ହୋଇଥିବା 'ଜୋକର'ର ଶାନଦାର ଟ୍ରେଲର ଦେଖିବାକୁ ପାଇଛନ୍ତି ଦର୍ଶକ । ଯାହାକୁ ନେଇ ଖୁବ୍ ଉତ୍ସାହିତ ଫ୍ୟାନ୍ସ । ବର୍ତ୍ତମାନ ଫିଲ୍ମ ଟ୍ରେଲର ଦେଖି ଦର୍ଶକଙ୍କ ଜବରଦସ୍ତ ପ୍ରତିକ୍ରିୟା ମଧ୍ୟ ମିଳିବାରେ ଲାଗିଛି । 2 ମିନିଟ 24 ସେକେଣ୍ଡର ଏହି ଟ୍ରେଲର ଭିଡିଓକୁ ୱାର୍ନର ବ୍ରସଙ୍କ ଅଧିକାରୀକ ଟ୍ବିଟର ହ୍ୟାଣ୍ଡଲରେ ଜାରି କରାଯାଇଛି ।

ଟ୍ରେଲରଟିକୁ ୟୁଟ୍ୟୁବରେ ଗୋଟିଏ ଘଣ୍ଟା ମଧ୍ୟରେ ଚାରି ଲକ୍ଷରୁ ଅଧିକା ଲାଇକ୍ସ ମିଳିସାରିଲାଣି । ଫିଲ୍ମରେ କମେଡିଆନ ଆର୍ଥର ଫ୍ଲେକଙ୍କ ଚରିତ୍ରରେ ନଜର ଆସୁଛନ୍ତି Joaquin Phoenix । ୟୁଟ୍ୟୁବରେ ଫିଲ୍ମ ଟ୍ରେଲରକୁ ମିଳିଥିବା ଜବରଦସ୍ତ ପ୍ରତିକ୍ରିୟା ଦର୍ଶକଙ୍କ ଏକ୍ସାଇଟମେଣ୍ଟକୁ ଦୁଇ ଗୁଣ ବଢାଇଦେଇଛି ।

ଟ୍ରେଲରରେ Joaquinଙ୍କ ଶାନଦାର ଅଭିନୟ ସହ ଦମଦାର ହସ ଦେଖିବାକୁ ମିଳୁଛି । ୱାର୍ନର ବ୍ରସ ପିକ୍ଚରର ଅଧିକାରିକ ଟ୍ବିଟର ହ୍ୟାଣ୍ଡଲରେ ଜାରି ହୋଇଥିବା ଟ୍ରେଲର ପୋଷ୍ଟରେ 'Put on a happy face' କ୍ୟାପସନରେ ଲେଖାଯାଇଛି । ଏହି କ୍ୟାପସନ ଫିଲ୍ମ ଏବଂ ତାର ଚରିତ୍ରକୁ ନେଇ ଲେଖାଯାଇଛି । ଫିଲ୍ମରେ Robert De niro, Zazie Beetz, Francis Conroy, Marc Maron, Bill Camp, Glenn Fleshler, Shea Whigham, Brett Cullen, Douglas Hodge, Josh Paish ମଧ୍ୟ ମୁଖ୍ୟ ଭୂମିକାରେ ନଜର ଆସିବେ ।

ଫିଲ୍ମର କାହାଣୀ ଓସ୍କାର ନୋମିନେଟେଡ ଫିଲ୍ମମେକର ଟଡ ଫିଲିପ୍ସ ଲେଖିବା ସହ ନିର୍ଦ୍ଦେଶନା ଦାୟିତ୍ବ ମଧ୍ୟ ତୁଲାଇଛନ୍ତି । ଜଣାଇ ଦେଉଛୁ ଯେ ଫିଲ୍ମଟିକୁ ଭାରତରେ ଅକ୍ଟୋବର 4ରେ ରିଲିଜ କରିବାର ନିଷ୍ପତ୍ତି ନିଆଯାଇଛି ।