ଭୁବନେଶ୍ବର: କିଛିଦିନ ହେବ ଓଲିଉଡର କମେଡି କିଙ୍ଗ ପପୁ ପମପମଙ୍କ ବିବାଦ ଥମିବାରେ ନାଁ ନେଉନାହିଁ । କେବେ ସେ ନିଜର ଆଗାମୀ ଫିଲ୍ମ ‘ମିଷ୍ଟର କହ୍ନେୟା’ର ପୋଷ୍ଟରକୁ ନେଇ ସମସ୍ୟାରେ ପଡୁଛନ୍ତି ତ ଆଉ କେବେ ନିଜର ଟିକଟକ ଭିଡିଓ ପାଇଁ । ନିକଟରେ ଟିକଟକରେ ଏକ ଭିଡିଓ ସେୟାର କରି ସେ ଚର୍ଚ୍ଚାରେ ଆସିଥିଲେ । ଯାହା ପରେ ତାଙ୍କୁ ସବୁ ମହଲରେ ନିନ୍ଦା କରାଯାଇଥିଲା । ଏହି ଘଟଣାରେ ଏବେ ସେ ପ୍ରତିକ୍ରିୟା ରଖିବା ସହ କ୍ଷମା ମଧ୍ୟ ମାଗିଛନ୍ତି ।
ଭିଡିଓ ସୌଜନ୍ୟ: ବ୍ୟୁରୋ ଚିଫ୍
ଇତିମଧ୍ୟରେ ପପୁ ଦେଇଥିବା ନିଜ ବୟାନରେ କହିଛନ୍ତି ଯେ, ସେ କାହାର ଅପମାନ କରିନାହାଁନ୍ତି । ସେ ଜଣେ କଳାକାର ରୂପେ ଅନ୍ୟ ଜଣେ କଳାକାରଙ୍କୁ ଉପହାର ଏବଂ ଶୁଭେଚ୍ଛା ଦେବାକୁ ଯାଇ ରାନୁଙ୍କ ଗୀତଟିକୁ ଗାଇଥିଲେ । ଗୀତ ଗାଇବାରେ ତାଙ୍କର କୌଣସି ଖରାପ ଉଦ୍ଦେଶ୍ୟ ନଥିଲା । ହେଲେ ଏହାକୁ ନକରାତ୍ମକ ଢଙ୍ଗରେ ଉପସ୍ଥାପନା କରାଯାଇଛି ଯାହାକି ଆଦୌ ଠିକ ନୁହେଁ । ଆଉ ଯଦି କାହାକୁ ତାଙ୍କ ଗୀତ ଗାଇବା ଖରାପ ଲାଗିଛି ତେବେ ସେ ସେଥିପାଇଁ କ୍ଷମା ମାଗୁଛନ୍ତି ।