ମୁମ୍ବାଇ:ବଦଳିଲା ସାଉଥ ସୁପରଷ୍ଟାର ଆଲୁ ଅର୍ଜୁନଙ୍କ ଫିଲ୍ମ 'ପୁଷ୍ପା'ର ରିଲିଜ ତାରିଖ । ଏହାର ପ୍ରଥମ ଭାଗ ଚଳିତ ବର୍ଷ ଖ୍ରୀଷ୍ଟମାସରେ ରିଲିଜ ହେବାକୁ ଥିବା ବେଳେ ବର୍ତ୍ତମାନ କିନ୍ତୁ ଗୋଟିଏ ସପ୍ତାହ ପୂର୍ବରୁ ହେବ ରିଲିଜ । ତେବେ ବଲିଉଡ଼ ସୁପରଷ୍ଟାର ରଣବୀର ସିଂଙ୍କ ଫିଲ୍ମ '୮୩' ସେହି ସମୟରେ ରିଲିଜ ହେଉଥିବାରୁ ଅଯଥା ବିବାଦକୁ ଏଡ଼ାଇବା ପାଇଁ ମେକର୍ସ ଏହି ନିଷ୍ପତ୍ତି ନେଇଛନ୍ତି ।
ଏହି ଫିଲ୍ମରେ ସୁକୁମାର ନିର୍ଦ୍ଦେଶନା ଦେଇଥିବାବେଳେ ଲିଡ଼ ହିରୋଇନ ଭାବେ ରଶ୍ମିକା ମନ୍ଦନା ଅଭିନୟ କରୁଛନ୍ତି । ଫିଲ୍ମର ତାରିଖ ପରିବର୍ତ୍ତନ ହେବା ସମ୍ପର୍କରେ ଭାରତୀୟ ଫିଲ୍ମ ଆନାଲିଷ୍ଟ ତରନ ଆଦର୍ଶ ନିଜ ଟ୍ବିଟର ଆକାଉଣ୍ଟରେ ସୂଚନା ଦେଇଛନ୍ତି । ଫିଲ୍ମଟି ଆସନ୍ତା ଡିସେମ୍ବର ୧୭ ତାରିଖରେ ରିଲିଜ ହେବ । ଏଥିରେ ଆଲୁ ଅର୍ଜୁନ, ଫାହଧ ଫାସିଲ, ରଶ୍ମିକା ମନ୍ଦନା ପ୍ରମୁଖ ଅଭିନୟ କରିଛନ୍ତି ।