ସିମିଙ୍କ ପ୍ରଶଂସା, କରନଙ୍କ ନିନ୍ଦା କଲେ କଙ୍ଗନା

ପୁଣି ଚର୍ଚ୍ଚାରେ କଙ୍ଗନା । ବଲିଉଡ ସେଲିବ୍ରିଟିଙ୍କ ବିଷୟରେ ପ୍ରତିକ୍ରିୟା ରଖିଲେ ଅଭିନେତ୍ରୀ । ଏଥର ସେ ସିମିଙ୍କ ପ୍ରଶଂସା କରି କରନଙ୍କୁ ନିନ୍ଦା କରିଛନ୍ତି । ଅଧିକ ପଢନ୍ତୁ...

ମୁମ୍ବାଇ: ନିଜର ଆଗାମୀ ଫିଲ୍ମ ‘ଥଲାଇଭି’କୁ ନେଇ ବର୍ତ୍ତମାନ ଚର୍ଚ୍ଚାରେ କଙ୍ଗନା ରଣାୱତ । ନିକଟରେ ତାଙ୍କ ଜନ୍ମଦିନରେ ଏହି ଫିଲ୍ମର ଦମଦାର ଟ୍ରେଲର ରିଲିଜ ହୋଇଥିଲା । ହେଲେ ସବୁବେଳେ ସେଲିବ୍ରିଟିଙ୍କୁ ଟାର୍ଗେଟ କରୁଥିବା କଙ୍ଗନା ଏଥର ଅଭିନେତ୍ରୀ ସିମି ଗରେୱାଲଙ୍କ ପ୍ରଶଂସା କରିଛନ୍ତି ଆଉ ତାଙ୍କ ଶୋ ‘ରେଣ୍ଡେଜଭୋସ୍ ୱିଥ୍ ସିମି ଗରେୱାଲ’ କୁ ଭଲ କହିଛନ୍ତି । ସେପଟେ ନିର୍ମାତା କରନ ଜୋହରଙ୍କୁ ପୁଣି ଟାର୍ଗେଟ କରିଛନ୍ତି ସେ ।

କଥାଟି ହେଲା ଯେ ସେ ଜଣେ ଫ୍ୟାନ୍ସଙ୍କ ଟ୍ବିଟକୁ ରିଟ୍ବିଟ କରି କଙ୍ଗନା ପ୍ରତିକ୍ରିୟା ରଖିଛନ୍ତି । ଯେଉଁଥିରେ ଫ୍ୟାନ ସିମିଙ୍କ ସାକ୍ଷାତକାର ଶୋ ବିଷୟରେ ଆଲୋଚନା କରିଥିଲେ । ସେପଟେ କଙ୍ଗନା ଲେଖିଛନ୍ତି, ‘ଆଜ୍ଞା ହଁ, ଠିକ୍ କଥା କହିଛ ସିମି ଗରେୱାଲଙ୍କ ସାକ୍ଷାତକାର ବାସ୍ତବ ଜିନିଷକୁ ନେଇ ଆଧାରିତ । ସେ ସେଲିବ୍ରିଟିଙ୍କ ପ୍ରକୃତ ବିଷୟ ବସ୍ତୁ ଉପରେ କଥାବାର୍ତ୍ତା କରନ୍ତି । ରେଣ୍ଡେଜଭୋସ୍ ଏବଂ ଜୟା ମା' ମୋ ରିସର୍ଚ୍ଚରେ ମୋତେ ବହୁତ ସାହାଯ୍ୟ କରିଛନ୍ତି, କିନ୍ତୁ ଅନ୍ୟପଟେ ବାପା(କରନ) ଅଛନ୍ତି, ଯିଏ ସାକ୍ଷାତକାରରେ ଗାଳିଗୁଲଜ କରିବା, କମେଣ୍ଟ ମାରିବା, ଅନ୍ୟ ମାନଙ୍କ ବିଷୟରେ ଗପିବା ଏବଂ ଯୌନ ସମ୍ପର୍କ ବିଷୟରେ ଖୁଲମଖୁଲା ଆଲୋଚନା କରନ୍ତି ।’

ପ୍ରକାଶ ଥାଉକି 1997 ମସିହାରୁ ସିମି ‘ରେଣ୍ଡେଜଭୋସ୍ ୱିଥ୍ ସିମି ଗରେୱାଲ’ ଏହି ଶୋର ହୋଷ୍ଟ କରିଆସୁଛନ୍ତି । ତାଙ୍କ ଏହି ଶୋରେ ହ୍ରିତିକ ରୋଶନ, ଶାହରୁଖ ଖାନ, ଐଶ୍ଚର୍ଯ୍ୟା ରାୟ ବଚ୍ଚନ, କରୀନା କପୁର ଖାନ, ସୈଫ ଅଲ୍ଲୀ ଖାନ ଭଳି ସେଲିବ୍ରିଟି ନଜର ଆସିସାରିଛନ୍ତି ।