ଭୁବନେଶ୍ବର: ଆଉ କିଛି ଦିନ ପରେ ଆରମ୍ଭ ହୋଇଯିବ ଘୋଷଯାତ୍ରା । ଯାହା ଓଡ଼ିଶାବାସୀଙ୍କ ମହାନ ଉତ୍ସବ ମଧ୍ୟରୁ ଅନ୍ୟତମ । ଆଉ ଏହି ଅବସରରେ ସିନେମାହଲରେ ଲାଗିବ ଦର୍ଶକଙ୍କ ଭିଡ । କାରଣ ଏବର୍ଷ ରଥଯାତ୍ରାରେ ରିଲିଜ ହେବାକୁ ଯାଉଛି ଦୁଇଟି ଓଡ଼ିଆ ଚଳଚ୍ଚିତ୍ର 'ଅଭିମାନ' ଏବଂ 'ସେଲଫିସ ଦିଲ' ।
ଏହି ଉତ୍ସବରେ ଦର୍ଶକଙ୍କୁ ଭେଟି ଦେବା ପାଇଁ ଓଲିଉଡ ମେକର୍ସ ଅଣ୍ଟାଭିଡି ସାରିଲେଣି । 'ସେଲଫିସ ଦିଲ' ଚଳଚ୍ଚିତ୍ରରେ ଓଲିଉଡର ୟଙ୍ଗ ଡାଇନାମାଇକ ଅଭିନେତ୍ରୀ ସୂର୍ଯ୍ୟମୟୀ ଏବଂ ନବାଗତ ଅଭିନେତା ଶ୍ରେୟାନ ନଜର ଆସିବା ବେଳେ, 'ଅଭିମାନ'ରେ ପୁଣି ଦର୍ଶକ ପରଦାରେ ଅଭିନେତା ସବ୍ୟସାଚୀ ଓ ଓଲିଉଡ କୁଇନ ଅର୍ଚ୍ଚିତା ସାହୁଙ୍କ କେମେଷ୍ଟ୍ରି ଦେଖିବେ ।