ହାଇଦ୍ରାବାଦ: କନ୍ନଡ ସୁପରଷ୍ଟାର ୟଶଙ୍କ ବ୍ଲକବଷ୍ଟର ଫିଲ୍ମ 'କୋଲାର ଗୋଲ୍ଡ ଫିଲ୍ଡ'(କେଜିଏଫ) ଚାପ୍ଟର-1 ଗତ ବର୍ଷ ଡିସେମ୍ବରରେ ରିଲିଜ ହୋଇଥିଲା । ଯାହା ବକ୍ସ ଅଫିସରେ ଶାନଦାର କଲେକ୍ସନ କରି ହିଟ୍ ସାବ୍ୟସ୍ତ ହୋଇଥିଲା । ଏହାସହ ୟଶଙ୍କ ଫ୍ୟାନ୍ସ ସଂଖ୍ୟା ରାତାରାତି ଖୁବ୍ ବଢିଯାଇଥିବାର ମଧ୍ୟ ଦେଖିବାକୁ ମିଳିଥିଲା । ଦର୍ଶକ ଚାପ୍ଟର-1 ପରେ ଚାପ୍ଟର-2 ଦେଖିବା ପାଇଁ ଖୁବ୍ ଉତ୍ସାହ ସହ ଅପେକ୍ଷା କରିବସିଛନ୍ତି । ଇତିମଧ୍ୟରେ ଫ୍ୟାନ୍ସଙ୍କ ପାଇଁ ଏକ ଖୁସି ଖବର ସାମ୍ନାକୁ ଆସିଛି ।
ଆଜ୍ଞା ହଁ, 'କେଜିଏଫର ଚାପ୍ଟର-2'ର ସୁଟିଂ ଆରମ୍ଭ ହୋଇଯାଇଛି । ଫ୍ୟାନ୍ସ ପୁଣି ୟଶଙ୍କ ଜବରଦସ୍ତ ଆକ୍ସନ ଅବତାର ଦେଖିବାକୁ ପାଇବେ । ବୁଧବାର ଫିଲ୍ମର ସୁଟିଂ ଆରମ୍ଭ ହୋଇଛି । ଏହାର ସୂଚନା ୟଶ ନିଜ ଟ୍ବିଟର ଆକାଉଣ୍ଟରେ ଫ୍ୟାନ୍ସଙ୍କୁ ଦେଇଛନ୍ତି ।