ମୁମ୍ବାଇ: କିଛି ଦିନ ପୂର୍ବରୁ ଟିଭିର ଜଣାଶୁଣା ଅଭିନେତା କରନ ଓବରୟଙ୍କ ଉପରେ ଜଣେ ମହିଳା ଦୁଷ୍କର୍ମ ଅଭିଯୋଗ ଲଗାଇଥିଲେ । ଏହି ମାମଲା ପାଇଁ ଦୀର୍ଘ ସମୟରୁ ସେ ଆଲୋଚନାର ଶିକାର ହେଉଆସୁଛନ୍ତି । ନିକଟରେ ତାଙ୍କୁ ଜାମିନ ମିଳିଥିଲା । ଇତିମଧ୍ୟରେ ଶୁଣିବାକୁ ମିଳୁଛି ଯେ ତାଙ୍କ ଉପରେ ଦୁଷ୍କର୍ମ ଅଭିଯୋଗ ଲଗାଇଥିବା ମହିଳାକୁ ବର୍ତ୍ତମାନ ପୋଲିସ ଗିରଫ କରିନେଇଛି ।
ଏହି ଖବର ଏବେ ଜୋର ଧରିଛି ଯେ କରନଙ୍କ ଉପରେ ଦୁଷ୍କର୍ମ ଅଭିଯୋଗ ଲଗାଇଥିବା ମହିଳା ଜଣକ ନିଜ ଉପରେ ମିଥ୍ୟା ଆକ୍ରମଣ କରାଇ କରନଙ୍କୁ ଫସାଇଥିବା ମାମଲାରେ ତାଙ୍କୁ ଗିରଫ କରାଯାଇଛି । ଯାହା ପରେ ତାଙ୍କୁ କୋର୍ଟରେ ଉପସ୍ଥିତ କରାଯାଇଥିଲା । ଏହା ପୂର୍ବରୁ ସେହି ମହିଳାଙ୍କ ଓକିଲଙ୍କୁ ଗିରଫ କରିଥିଲା ପୋଲିସ । ଓକିଲ ବୟାନକୁ ଆଧାର କରି ମହିଳାଙ୍କୁ ପରେ ଗିରଫ କରିଛି ପୋଲିସ ।