ସିଙ୍ଗାପୁର ମାଡାମ ତୁଷାଦରେ ଶ୍ରୀଦେବୀଙ୍କ ମହମ ପ୍ରତିମୂର୍ତ୍ତୀ

ବଲିଉଡର ଦିଗଜ୍ ଅଭିନେତ୍ରୀ ଶ୍ରୀଦେବୀଙ୍କ ମହମ ମୂର୍ତ୍ତୀଙ୍କୁ ଆସନ୍ତାକାଲି ଆଇକନିକ ମହମ ମ୍ୟୁଜିୟମରେ ରିଲିଜ କରାଯିବ । ସୂଚନା ଦେଲେ ବୋନୀ କପୁର ।

ହାଇଦ୍ରାବାଦ: ବଲିଉଡର ଜଣେ ଶ୍ରେଷ୍ଠ ଅଭିନେତ୍ରୀ ଶ୍ରୀଦେବୀଙ୍କ ମହମ ମୂର୍ତ୍ତୀକୁ ସିଙ୍ଗାପୁର ଆଇକନିକ ମହମ ମ୍ୟୁଜିୟମ ମାଡମ ତୁଷାଦରେ ରିଲିଜ କରାଯିବ । ଶ୍ରୀଦେବୀଙ୍କ ପତି ତଥା ନିର୍ଦ୍ଦେଶକ ବୋନୀ କପୁର ଏନେଇ ସୂଚନା ଦେଇଛନ୍ତି । ଟ୍ବିଟରରେ ଏକ ଭିଡିଓ ଟିଜର ସେୟାର କରି ସୂଚନା ଦେଇଛନ୍ତି ।

ଶ୍ରୀଦେବୀଙ୍କୁ ଶ୍ରଦ୍ଧାଞ୍ଜଳି ଦେଇ ତାଙ୍କ 56ତମ ଜନ୍ମବାର୍ଷିକୀରେ ମହମ ମୂର୍ତ୍ତୀ କରିବାକୁ ନିଷ୍ପତ୍ତି ନେଇଥିଲେ । 2018 ଫେବୃଆରୀ 24ରେ ଦୁବାଇରେ ଶ୍ରୀଦେବୀଙ୍କ ମୃତ୍ୟୁ ହୋଇଥିଲା । 1963 ମସିହାରେ ଜନ୍ମନେଇଥିଲେ । ‘ଚାନ୍ଦିନୀ’,‘ମିଷ୍ଟର ଇଣ୍ଡିଆ’,‘ଚାଲବାଜ୍’, ‘ନାଗିନ’, ‘ସଦମା’ରେ ଅଭିନୟ କରିଥିଲେ ।