ଶ୍ରଦ୍ଧାଙ୍କ ଜନ୍ମଦିନ, ପ୍ରଭାସଙ୍କ ଧମାଲ

ସାଉଥ ସୁପରଷ୍ଟାର ପ୍ରଭାସ ଦୀର୍ଘଦିନ ହେବ ଆଗାମୀ ଫିଲ୍ମ 'ସାହୋ'କୁ ନେଇ ଚର୍ଚ୍ଚାରେ । ଫିଲ୍ମର ସୁଟିଂ ଆରମ୍ଭ ହେବା ଦିନରୁ ପ୍ରଶଂସକ ଫିଲ୍ମର କିଛି ଝଲକ ଦେଖିବାକୁ ଚାତକ ପରି ଚାହିଁ ବସିଛନ୍ତି । ତେବେ ପ୍ରଭାସଙ୍କ ଜନ୍ମଦିନରେ ଫିଲ୍ମର ଗୋଟିଏ ଭିଡିଓ ରିଲିଜ କରାଇ ନିର୍ମାତା ଦର୍ଶକଙ୍କୁ ସରପ୍ରାଇଜ ଦେଇଥିବାବେଳେ ଆଜି ଅଭିନେତ୍ରୀ ଶ୍ରଦ୍ଧାଙ୍କ ଜନ୍ମଦିନରେ ବି ନିର୍ମାତା ଦେଇଛନ୍ତି ଆଉ ଏକ ସରପ୍ରାଇଜ...

ହାଇଦ୍ରାବାଦ: ସାଉଥ ସୁପରଷ୍ଟାର ପ୍ରଭାସ ଦୀର୍ଘଦିନ ହେବ ଆଗାମୀ ଫିଲ୍ମ 'ସାହୋ'କୁ ନେଇ ଚର୍ଚ୍ଚାରେ । ଫିଲ୍ମର ସୁଟିଂ ଆରମ୍ଭ ହେବା ଦିନରୁ ପ୍ରଶଂସକ ଫିଲ୍ମର କିଛି ଝଲକ ଦେଖିବାକୁ ଚାତକ ପରି ଚାହିଁ ବସିଛନ୍ତି । ତେବେ ପ୍ରଭାସଙ୍କ ଜନ୍ମଦିନରେ ଫିଲ୍ମର ଗୋଟିଏ ଭିଡିଓ ରିଲିଜ କରାଇ ନିର୍ମାତା ଦର୍ଶକଙ୍କୁ ସରପ୍ରାଇଜ ଦେଇଥିବାବେଳେ ଆଜି ଅଭିନେତ୍ରୀ ଶ୍ରଦ୍ଧାଙ୍କ ଜନ୍ମଦିନରେ ବି ନିର୍ମାତା ଦେଇଛନ୍ତି ଆଉ ଏକ ସରପ୍ରାଇଜ...

ଶ୍ରଦ୍ଧାଙ୍କ 32ତମ ଜନ୍ମଦିନ ଅବସରରେ ନିର୍ମାତା 'ସେଡ୍ସ ଅଫ ସାହୋ'ର ଦ୍ବିତୀୟ ଭାଗ ରିଲିଜ କରିଛନ୍ତି । ଭିଡିଓରେ ଶ୍ରଦ୍ଧା ପ୍ରଥମ ଥର ଭାବେ ଆକ୍ସନ କୁଇନ ଭାବରେ ନଜର ଆସିଛନ୍ତି । ପ୍ରଥମ ଭାଗ ପରି ଦ୍ବିତୀୟ ଭାଗରେ ମଧ୍ୟ ପ୍ରଶଂସକଙ୍କୁ ଦେଖିବାକୁ ମିଳିବ ଦମଦାର ଆକ୍ସନ ସିକ୍ବେନ୍ସ ।

ଗତ ଅକ୍ଟୋବର 23 ତାରିଖରେ ପ୍ରଭାସଙ୍କ ଜନ୍ମଦିନ ଅବସରରେ ନିର୍ମାତା ପ୍ରଥମ ଭିଡିଓ ରିଲିଜ କରିଥିଲେ । ଫିଲ୍ମରେ ମୁଖ୍ୟ ଭୂମିକାରେ ନଜର ଆସିବେ ପ୍ରଭାସ ଓ ଶ୍ରଦ୍ଧା କପୁର । ଫିଲ୍ମ ସାହୋ ସୁଜିତଙ୍କ ଦ୍ବାରା ନିର୍ଦ୍ଦେଶିତ ଓ ଏହା ଆସନ୍ତାବର୍ଷ ଅଗଷ୍ଟ 15ତାରିଖରେ ରିଲିଜ ହେବ ।

ତେବେ ଏହି ଫିଲ୍ମ ସହ ଅକ୍ଷୟ କୁମାରଙ୍କ ମିଶନ ମଙ୍ଗଲ, ଜନ ଆବ୍ରାହମଙ୍କ ବାଟଲା ହାଉସ ଓ ରାଜକୁମାର ରାଓଙ୍କ ମେଡ ଇନ ଚାଇନା ମଧ୍ୟ ରିଲିଜ ହେବ । ତେବେ ଦେଖାଯାଉ କେଉଁ ଫିଲ୍ମ ଦେଖିବାକୁ ପସନ୍ଦ କରିବେ ଦର୍ଶକ । କିନ୍ତୁ ଫିଲ୍ମ 'ସାହୋ' ହିନ୍ଦୀ, ତେଲୁଗୁ, ତାମିଲ ଓ ମାଲାୟାଲାମ ଭାଷାରେ ରିଲିଜ ହେବାକୁ ଯାଉଛି । ଫିଲ୍ମରେ ନିଲ ନିତିନ ମୁକେଶ, ମନ୍ଦିରା ବେଦୀ, ଜ୍ୟାକି ଶ୍ରଫ ଓ ଚଙ୍କି ପାଣ୍ଡେ ଆଦି ମଧ୍ୟ ନଜର ଆସିବେ ।