ମୁମ୍ବାଇ: ଗୋଟିଏ ପଟେ ଦେଶରେ ନିର୍ବାଚନ ବାତାବରଣ ଦେଖିବାକୁ ମିଳୁଥିବା ବେଳେ ଅନ୍ୟପଟେ ଅଭିନେତା ବିବେକ ଓବରାୟଙ୍କ ଆଗାମୀ ଫିଲ୍ମ 'ପିଏମ ନରେନ୍ଦ୍ର ମୋଦି'କୁ ଅନେକ ବିରୋଧର ସାମ୍ନା କରିବାକୁ ପଡୁଛି । ଏହି ବିରୋଧ ପାଇଁ ଫିଲ୍ମର ରିଲିଜ ତାରିଖ ଦୁଇଥର ପରିବର୍ତ୍ତନ କରାଯାଇ ସାରିଲାଣି । କିନ୍ତୁ ବିବେକ ଏହି ବିରୋଧକୁ ସାମ୍ନା କରିବାରେ ଲାଗିପଡିଛନ୍ତି । ସେ ଖୋଲମଖୁଲା ମୋଦିଙ୍କ ସପୋର୍ଟରେ କହୁଥିବା ନଜର ଆସୁଛନ୍ତି ।
ଏହାସହ ସେ କଂଗ୍ରେସ ଓ ବିରୋଧୀ ଦଳଙ୍କୁ ଖୁବ୍ ଟାର୍ଗେଟ ମଧ୍ୟ କରୁଛନ୍ତି । ନିକଟରେ ଏକ ସାକ୍ଷାତକାରରେ ବିବେକ କିନ୍ତୁ ପିଏମ ମୋଦିଙ୍କ ଫ୍ୟାନ କହିଥିବା ବେଳେ ତାଙ୍କ ଭକ୍ତ ନୁହେଁ ବୋଲି ସ୍ପଷ୍ଟ କରିଛନ୍ତି । ତାଙ୍କ ଅନୁଯାୟୀ ମୋଦିଜି ଯୁବପିଢି ପାଇଁ ପ୍ରେରଣା । କିନ୍ତୁ ତାଙ୍କ ସବୁ କଥାରେ ସେ ସମର୍ଥନ କରିପାରିବେ ନାହିଁ ।