ମୁମ୍ବାଇ: ବଲିଉଡ ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ମାମଲାରେ ସିବିଆଇ, ଇଡି ଏବଂ ଏନସିବି ଟିମ୍ ବର୍ତ୍ତମାନ ତଦନ୍ତ ଜାରି ରଖିଛନ୍ତି । ଏହି ମାମଲାରେ ସୁଶାନ୍ତଙ୍କ ଗର୍ଲଫ୍ରେଣ୍ଡ ତଥା ଅଭିନେତ୍ରୀ ରିଆ ଚକ୍ରବର୍ତ୍ତୀଙ୍କୁ ଇଡି ଏବଂ ସିବିଆଇ ଟିମ ଅନେକ ଥର ପଚରାଉଚରା କରିସାରିଛନ୍ତି ।
ଏଭଳି ପରିସ୍ଥିତିରେ କିଛି ବଲିଉଡ ତାରକା ମଧ୍ୟ ରିଆଙ୍କୁ ସମର୍ଥନ କରୁଛନ୍ତି । ଯେଉଁଥିରେ ବର୍ତ୍ତମାନ ବିଦ୍ୟା ବାଲାନଙ୍କ ନାମ ମଧ୍ୟ ଅନ୍ତର୍ଭୁକ୍ତ କରାଯାଇଛି ।
ବିଦ୍ୟାଙ୍କ ପୂର୍ବରୁ ତାପସୀ ପନ୍ନୁ ଏବଂ ସ୍ବରା ଭାସ୍କର ମଧ୍ୟ ସୋସିଆଲ ମିଡିଆ ମାଧ୍ୟମରେ ରିଆଙ୍କୁ ସମର୍ଥନ କରିଥିଲେ।
ଅଭିନେତ୍ରୀ ଲକ୍ଷ୍ମୀ ମଞ୍ଚୁଙ୍କ ପୋଷ୍ଟରେ ବିଦ୍ୟା ରିଆଙ୍କ ବିଷୟରେ ନିଜର ମତ ରଖିଥିଲେ । ଯେଉଁଥିପାଇଁ ତାଙ୍କୁ ସୋସିଆଲ ମିଡିଆରେ ବହୁତ ଟ୍ରୋଲ କରାଯାଉଛି ।
ବାସ୍ତବରେ ଲକ୍ଷ୍ମୀ ମଞ୍ଚୁ ସୁଶାନ୍ତଙ୍କ ପାଇଁ ଜଷ୍ଟିସ ଏବଂ ରିଆଙ୍କ ପାଇଁ ଜଷ୍ଟିସ ହ୍ୟାସଟ୍ୟାଗ ସହ ଏକ ପୋଷ୍ଟ ସେୟାର କରିଥିଲେ । ଯେଉଁଥିରେ ସେ ରିଆଙ୍କ ବିରୋଧରେ ଗଣମାଧ୍ୟମର ବିଚାରକୁ ସମାଲୋଚନା କରିଥିଲେ।
ଲକ୍ଷ୍ମୀଙ୍କ ଏହି ଟ୍ବିଟରେ ବିଦ୍ୟା କହିଛନ୍ତି, ଏହା ଅତ୍ୟନ୍ତ ଦୁର୍ଭାଗ୍ୟଜନକ ଯେ ଜଣେ ଯୁବ ତାରକାଙ୍କ ଦୁଃଖଦ ତଥା ଅକାଳ ମୃତ୍ୟୁ ଏକ ମିଡିଆ ସର୍କସରେ ପରିଣତ ହୋଇଛି । ଜଣେ ମହିଳା ଭାବରେ, ରିଆଙ୍କ ବିରୋଧରେ ଖରାପ କଥା କହୁଥିବା ଲୋକଙ୍କ କଥା ଶୁଣି ମୋର ହୃଦୟ ଭାଙ୍ଗିଯାଉଛି । ସେ ଦୋଷୀ ନହେବା ପର୍ଯ୍ୟନ୍ତ ତାଙ୍କୁ ନିର୍ଦ୍ଦୋଷ ବୋଲି ବିବେଚନା କରାଯାଇପାରିବ ନାହିଁ? କିମ୍ବା ନିର୍ଦ୍ଦୋଷ ପ୍ରମାଣିତ ନହେବା ପର୍ଯ୍ୟନ୍ତ ସେ ଦୋଷୀ କି? ଜଣେ ନାଗରିକର ସାମ୍ବିଧାନିକ ଅଧିକାର ପ୍ରତି କିଛି ସମ୍ମାନ ଦେଖାନ୍ତୁ ଏବଂ ଆଇନକୁ ଏହାର କାର୍ଯ୍ୟ କରିବାକୁ ଦିଅନ୍ତୁ |