ଜାଣନ୍ତୁ ବରୁଣଙ୍କ ଦୟାଳୁ ସ୍ବଭାବ ବିଷୟରେ...

ସୁପରଷ୍ଟାର ବରୁଣ ଧୱନଙ୍କୁ ନେଇ ଏକ ଖବର ଶୁଣିବାକୁ ମିଳୁଛି । ଯାହା ଶୁଣି ଆପଣଙ୍କ ହୃଦୟରେ ତାଙ୍କ ପାଇଁ ପୁଣିଥରେ ପ୍ରେମ ଜାତ ନିହାତି ହେବ ।

'ଏବିସିଡି' ଭଳି ଫିଲ୍ମରେ ଡାନ୍ସର ଭୂମିକାରେ ଅଭିନୟ କରିଥିବା ବରୁଣ ହିପ-ହଫ ଡାନ୍ସର ଈଶାନଙ୍କ ଚିକିତ୍ସା ପାଇଁ 5 ଲକ୍ଷ ଟଙ୍କାର ସହଯୋଗ କରିଛନ୍ତି ।

ଈଶାନ ମୁରାଦବାଦ, ୟୁପିର ବାସିନ୍ଦା । ଡାନ୍ସ ପ୍ରାକ୍ଟିକ୍ସ ସମୟରେ ହଠାତ୍ ଏକ ଦୁର୍ଘଟଣା ପାଇଁ ତାଙ୍କ ବେକରେ ଗମ୍ଭୀର ଆଘାତ ଲାଗିଥିଲା । ଏହି ଅଘଟଣ ପାଇଁ ତାଙ୍କ ବେକର ହଡା ଭାଙ୍ଗି ଯାଇଛି । ସେ ବର୍ତ୍ତମାନ ମେଡିକାଲରେ ଭର୍ତ୍ତି ଅଛନ୍ତି । ଏହାସହ ତାଙ୍କୁ ଆର୍ଥିକ ସାହାଯ୍ୟର ଆବଶ୍ୟକ ମଧ୍ୟ ଅଛି ।

ପ୍ରକାଶ ଥାଉକି ଈଶାନଙ୍କ ବନ୍ଧୁ ଅର୍ଥାତ୍ ଡାନ୍ସର କାର୍ତ୍ତିକ ରାଜା ନିଜ ସୋସିଆଲ ମିଡିଆରେ ଈଶାନଙ୍କ ଅବସ୍ଥା ବିଷୟରେ ଏକ ପୋଷ୍ଟ ସେୟାର କରିଥିଲେ । ଯେବେ ବରୁଣଙ୍କ ନଜରରେ ଏହି ପୋଷ୍ଟ ପଡିଲା ତେବେ ସେ ସଙ୍ଗେ ସଙ୍ଗେ ଈଶାନଙ୍କୁ ସାହାଯ୍ୟ କରିବା ପାଇଁ ଇଚ୍ଛା ପ୍ରକାଶ କରିଥିଲେ । ଏହାପରେ ଈଶାନଙ୍କୁ 5 ଲକ୍ଷ ଟଙ୍କାର ସାହାର୍ଯ୍ୟ କରିଛନନ୍ତି ବରୁଣ ।