ହାଇଦ୍ରାବାଦ: ଖୁବ ଶୀଘ୍ର ଇସ୍ରୋର ସଫଳ ମଙ୍ଗଳଯାନ ଉତ୍ତକ୍ଷେପଣକୁ ନେଇ ପରଦାକୁ ଆସିବ ଫିଲ୍ମ ‘ମିଶନ ମଙ୍ଗଲ’। ଫିଲ୍ମରେ ଅକ୍ଷୟ କୁମାରଙ୍କ ସହ ଅନେକ ବଲିଉଡ ଷ୍ଟାରଙ୍କୁ ଦେଖିବାକୁ ମିଳିବ । ଫିଲ୍ମକୁ 15 ଅଗଷ୍ଟରେ ରିଲିଜ କରିବାକୁ ଥିଲାବେଳେ ଏହାର ଟ୍ରେଲରକୁ ଦର୍ଶକ ଖୁବ ପସନ୍ଦ କରୁଛନ୍ତି ।
ସଡକ ସଚେତନତା ପାଇଁ ‘ମିଶନ ମଙ୍ଗଲ’ ସାହାଯ୍ୟ ନେଲା ୟୁପି ପୋଲିସ
ସଡକ ସଚେତନତା ପାଇଁ ମିଶନ ମଙ୍ଗଲର ମିମି ସେୟାର କରିଛି ଉତ୍ତର ପ୍ରଦେଶ ପୋଲିସ । ଏହା ପୂର୍ବରୁ ମୁମ୍ବାଇ ଓ ରାଜସ୍ଥାନ ପୋଲିସ ମଧ୍ୟ ସେୟାର କରିଥିଲା ମିମି ।
ଫଟୋ ସୌଜନ୍ୟ: ଟ୍ବିଟର
ଫିଲ୍ମ ‘ମିଶନ ମଙ୍ଗଲ’ପୋଷ୍ଟରକୁ ନେଇ ଏକ ମିମି ସେୟାର କରିଛି ଉତ୍ତରପ୍ରଦେଶ ପୋଲିସ । ମିମିରେ ଫିଲ୍ମର ସବୁ ଷ୍ଟାର ମୁଣ୍ଡରେ ହେଲମେଟ ପିନ୍ଧିଥିବାର ନଜର ଆସିଛନ୍ତି । ସଡକ ନିୟମର ସନ୍ଦେଶ ମିମିରେ ଦେଖିବାକୁ ମିଳିଛି । ମିମି ସେୟାର କରିବା ସହ କ୍ୟାପସନରେ ଲେଖା ରହିଛି,‘ମିଶନ ମଙ୍ଗଲ ଟିମ ସ୍ପେଶରେ ମଧ୍ୟ ସଡକ ନିୟମ ପାଳନ କରୁଛନ୍ତି ।’
ଏହାପୂର୍ବରୁ ମୁମ୍ବାଇ ଓ ରାଜସ୍ଥାନ ପୋଲିସ ମଧ୍ୟ ମିମି ସେୟାର କରି ଲୋକଙ୍କୁ ସଚେତନ କରିଥିଲେ । ତେବେ ଫିଲ୍ମର ନିର୍ଦ୍ଦେଶନା ଭାର ସମ୍ଭାଳିଛନ୍ତି ଜଗନ ଶକ୍ତି । ବକ୍ସ ଅଫିସରେ ଅକ୍ଷୟ କୁମାର ଓ ଜନ ଆବ୍ରାହାମଙ୍କ ଭିତରେ କଡା ଟକ୍କର ଦେଖିବାକୁ ମିଳିବ କାରଣ ସମାନ ଦିନରେ ଜନଙ୍କ ‘ବାଟଲାହାଉସ’ ମଧ୍ୟ ରିଲିଜ ହେଉଛି ।