ବିଗବସ 14: ପ୍ରତିଯୋଗୀ ରୁବିନାଙ୍କ ସମର୍ଥନରେ ସିଦ୍ଧାର୍ଥ

ଭାଇରାଲ ହେଲା ‘ବିଗବସ’ ଏକ୍ସ ପ୍ରତିଯୋଗୀ ସିଦ୍ଧାର୍ଥଙ୍କ ଏକ ଟ୍ବିଟ । ‘ବିଗବସ 14’ ପ୍ରତିଯୋଗୀ ରୁବିନାଙ୍କ ପକ୍ଷରେ କଲେ ଟ୍ବିଟ ।

ମୁମ୍ବାଇ: ଟିଭିର ରିୟାଲିଟି ଶୋ ‘ବିଗବସ 13’ ବିଜେତା ସିଦ୍ଧାର୍ଥ ଶୁକ୍ଲା ସୋସିଆଲ ମିଡିଆରେ ବହୁତ କମ୍ ଆକ୍ଟିଭ ରୁହନ୍ତି । ହେଲେ ତାଙ୍କ ଫ୍ୟାନ ଫଲୋୱିଂ ଆକାଶ ଛୁଆଁ । ନିକଟରେ ସେ ‘ବିଗବସ 14’ରେ ତୁଫାନି ସିନିୟର ରୂପେ ନଜର ଆସିଥିଲେ । ଇତିମଧ୍ୟରେ ସେ ‘ବିଗବସ 14’କୁ ନେଇ ଏକ ଟ୍ବିଟ କରିଛନ୍ତି । ତାଙ୍କ ଏହି ଟ୍ବିଟରୁ ଲାଗୁଛି ସେ ପ୍ରତିଯୋଗୀ ତଥା ଅଭିନେତ୍ରୀ ରୁବିନା ଦୈଲକଙ୍କ ପକ୍ଷରେ କରିଛନ୍ତି । ଯାହାର ଚର୍ଚ୍ଚା ବର୍ତ୍ତମାନ ଖୁବ୍ ହେଉଛି ।

ଗୁରୁବାର ଏପିସୋଡକୁ ଆଧାର କରି ସିଦ୍ଧାର୍ଥ ଟ୍ବିଟରେ ଲେଖିଛନ୍ତି, ‘ମୁଁ ଏଥିରେ ପଶିବାକୁ ଚାହୁଁନାହିଁ । ପ୍ରଥମ କଥା, ତୁମର ମନ ଖୋଲ, ଏହି ଟାସ୍କ କେବଳ ଝିଅଙ୍କ ମଧ୍ୟରେ ଯିଏ ଏହା ମଧ୍ୟରେ କହୁଛି ସେ ଟାସ୍କର ଅଂଶ ନୁହେଁ । ଯଦି ତୁମେ ଏହା ବୁଝିପାରୁନ ତେବେ କୌଣସି କଥା ନାହିଁ । ତୁମକୁ ଶୁଭେଚ୍ଛା ।’

ରୁବିନାଙ୍କ ପକ୍ଷ ରଖି ସିଦ୍ଧାର୍ଥ ଏହି କଥା କହିଛନ୍ତି । ବର୍ତ୍ତମାନ ତାଙ୍କର ଏହି ଟ୍ବିଟ ଖୁବ୍ ଭାଇରାଲ ହେବାରେ ଲାଗିଛି । ପ୍ରକାଶ ଥାଉକି ନିକଟରେ ଚର୍ଚ୍ଚା ଜୋର ଧରିଥିଲା ଯେ ମାତ୍ର ଦୁଇ ସପ୍ତାହ ପାଇଁ ‘ବିଗବସ 14’ ହାଉସରେ ସାମିଲ ହେବାକୁ ସିଦ୍ଧାର୍ଥ 12 କୋଟି ଟଙ୍କା ଫିସ୍ ମିଳିଥିଲା ।