ମୁମ୍ବାଇ: ଦବଙ୍ଗ ବଏ ସଲମାନ ଖାନଙ୍କ ବହୁପ୍ରତିକ୍ଷିତ ଫିଲ୍ମ ‘ଦବଙ୍ଗ 3’ ଆସନ୍ତ ମାସ 20ରେ ରିଲିଜ ହେବାକୁ ପ୍ରସ୍ତୁତ । ଫିଲ୍ମକୁ ନେଇ ଖୁବ ଏକ୍ସାଇଟେଡ ଦର୍ଶକ । ଏହାସହ ଚର୍ଚ୍ଚାରେ ତାଙ୍କ ଅପକମିଂ ଫିଲ୍ମ ‘ରାଧେ’ । ଏହି ଫିଲ୍ମର ସୁଟିଂ ଗତ 4 ତାରିଖରୁ ଆରମ୍ଭ ହୋଇସାରିଛି । କିଛି ଦିନ ପୂର୍ବରୁ ସଲମାନ ଇନଷ୍ଟାଗ୍ରାମରେ ଏକ ଫଟୋ ସେୟାର କରି ଫିଲ୍ମ ଷ୍ଟାରକାଷ୍ଟଙ୍କ ଘୋଷଣା କରିଥିଲେ ।
ସଲମାନଙ୍କ ‘ରାଧେ’ରେ ବିଗ ବସ 8 ବିଜେତା
‘ରାଧେ’ ଫିଲ୍ମକୁ ନେଇ ପୁଣି ଚର୍ଚ୍ଚା । ସଲମାନ ଖାନଙ୍କ ଏହି ଫିଲ୍ମରେ ନଜର ଆସିବାକୁ ଯାଉଛନ୍ତି ଅଭିନେତା ଗୌତମ ଗୁଲାଟୀ । ଏଯାବତ ତାଙ୍କ ଭୂମିକାର ଖୁଲାସା ହୋଇନାହିଁ ।
ଡିଜାଇନ ଫଟୋ
ସେୟାର ହୋଇଥିବା ଫଟୋରେ ତାଙ୍କ ସହ ସୋହେଲ ଖାନ, ଦିଶା ପଟାନୀ, ଅତୁଲ ଅଗ୍ନିହୋତ୍ରୀ, ଜ୍ୟାକି ଶ୍ରଫ, ରଣଦୀପ ହୁଡ୍ଡା ଓ ନିର୍ଦ୍ଦେଶକ ପ୍ରଭୁଦେବା ନଜର ଆସିଥିଲେ । ଇତିମଧ୍ୟରେ ‘ରାଧେ’ ଫିଲ୍ମରେ ଫେମସ ଅଭିନେତାଙ୍କ ଏଣ୍ଟ୍ରି ହୋଇଛି ।
ଆଜ୍ଞା ହଁ, ଫିଲ୍ମରେ ସଲମାନଙ୍କ ସହ ଦମଦାର ଅଭିନୟର ତଡକା ଲଗାଇବେ ଛୋଟ ପରଦାର ଲୋକପ୍ରିୟ ଅଭିନେତା ତଥା ବିଗ ବସ ସିଜନ 8ର ବିଜେତା ଗୌତମ ଗୁଲାଟୀ । ଏଯାବତ ତାଙ୍କ ରୋଲକୁ ନେଇ ଅଧିକ ସୂଚନା ସାମ୍ନାକୁ ଆସିନାହିଁ । କିନ୍ତୁ ଶୁଣିବାକୁ ମିଳୁଛି ଯେ ଫିଲ୍ମରେ ସେ ଭଲ ଭୂମିକାରେ ଅଭିନୟ କରିବେ । ସେହିପରି ଫିଲ୍ମରେ ଖଳନାୟକ ସାଜିବେ ରଣଦୀପ ହୁଡ୍ଡା । ‘ରାଧେ’ ଫିଲ୍ମକୁ ଆସନ୍ତା ବର୍ଷ ରିଲିଜ କରିବାର ଯୋଜନା କରିଛନ୍ତି ମେକର୍ସ ।