ହାଇଦ୍ରାବାଦ: ପୁଣି ପୁତ୍ର ସନ୍ତାନର ଜନନୀ ହେଲେ ବଲିଉଡ ବେବୋ । ତୈମୁର ହୋଇଛନ୍ତି ବଡ ଭାଇ । ପଟୌଦୀ ପରିବାରକୁ ମିଳିଛି ଆଉ ଏକ ଉତ୍ତରାଧିକାରୀ । ଶନିବାର ରାତିରେ ମୁମ୍ବାଇର ବ୍ରିଜ କ୍ୟାଣ୍ଡି ହସ୍ପିଟାଲରେ ସେ ଆଉ ଏକ ପୁତ୍ର ସନ୍ତାନଙ୍କୁ ଜନ୍ମ ଦେଇଛନ୍ତି। ଏନେଇ ରଣଭୀରଙ୍କ ଭଉଣୀଙ୍କ ରିଦ୍ଧିମା କପୁର ଇନଷ୍ଟାଗ୍ରାମରେ ସୂଚନା ଦେଇଛନ୍ତି। ତେବେ ଆଉ ଏକ ପୁତ୍ର ସନ୍ତାନ ପରେ ତୈମୁରଙ୍କୁ ନେଇ ଟ୍ରୋଲ୍ କରିବାରେ ବ୍ୟସ୍ତ ମେମର୍ ।
ଜନ୍ମ ପରେ ତୁରନ୍ତ ବଢିଥିଲା ତୈମୁରଙ୍କ ଫ୍ୟାନ୍ ଫଲୋଇଙ୍ଗ୍ । ଫ୍ୟାନ ପେଜଠାରୁ ଆରମ୍ଭ କରି ବଲିଉଡ ବୁଜ୍ ସବୁଆଡେ ତୈମୁର ହିଁ ତୈମୁର । ପ୍ରଥମ କରି କୌଣସି ଷ୍ଟାର କିଡ୍ ଜନ୍ମ ପରଠାରୁ ଏତେ ପପୁଲାର୍ ହୋଇ ପାରିଛନ୍ତି । ୟୁଜର୍ସ ତୈମୁରଙ୍କୁ ଯେତିକି ପସନ୍ଦ କରନ୍ତି, ସେତିକି ତାଙ୍କୁ ଟ୍ରୋଲ୍ ମଧ୍ୟ କରନ୍ତି । ଖାସ୍ କରି ତୈମୁରଙ୍କ ନାଁକୁ ନେଇ ଅନେକ ବିବାଦ ଦେଖା ଦେଇଥିଲା । ଧର୍ମଗତ ବିବାଦ ପ୍ରାୟତଃ ତୈମୁରଙ୍କ ନାଁକୁ ନେଇ ଦେଖା ଦେଇଥାଏ । ତେବେ ବର୍ତ୍ତମାନ ହୋଇଥିବ ବେବି ବଏର ନାଁ ଫ୍ୟାନ୍ସମାନେ ରଖିବା ଆରମ୍ଭ କରିଦେଇଛନ୍ତି ।