ଆସିଲା ‘ସାବାସ ମିଠୁ’ ପୋଷ୍ଟର, କ୍ରିକେଟର ଅବତାରରେ ତାପସୀ

ମହିଳା କ୍ରିକେଟ ଟିମର ପୂର୍ବତନ କ୍ୟାପ୍ଟେନ ମିଥାଲୀ ରାଜଙ୍କ ଭୂମିକାରେ ନଜର ଆସିବେ ତାପସୀ ପନ୍ନୁ । ଜାରି ହେଲା ଫିଲ୍ମ ‘ସାବାସ୍ ମିଠୁ’ର ଫାଷ୍ଟଲୁକ ପୋଷ୍ଟର ।

ମୁମ୍ବାଇ: ଖୁବଶୀଘ୍ର ବି-ଟାଉନର ଚୁଲବୁଲି ଅଭିନେତ୍ରୀ ତାପସୀ ପନ୍ନୁ ପୁଣି ସ୍ପୋର୍ଟ୍ସ ଡ୍ରାମା ଫିଲ୍ମ ନେଇ ପରଦାରେ ନଜର ଆସିବେ । ଏଥର ସେ ମହିଳା କ୍ରିକେଟ କ୍ୟାପ୍ଟେନ ମିଥାଲୀ ରାଜଙ୍କ ବାୟୋପିକ ‘ସାବସ୍ ମିଠୁ’ ନେଇ ପରଦାକୁ ଫେରିବେ । ଫିଲ୍ମରେ ସେ ମିଥାଲୀଙ୍କ ଭୂମିକାରେ ଦେଖାଯିବେ । ଇତିମଧ୍ୟରେ ଫିଲ୍ମର ଫାଷ୍ଟଲୁକ ପୋଷ୍ଟର ଜାରି ହୋଇଯାଇଛି । ପୋଷ୍ଟରରେ ତାପସୀ ଭାରତୀୟ କ୍ରିକେଟ ଜର୍ସି ପିନ୍ଧିବା ସହ ହାତରେ ବ୍ୟାଟ ଧରିଥିବାର ଦେଖାଯାଉଛନ୍ତି ।

ତାପସୀ ସୋସିଆଲ ମିଡିଆରେ ପୋଷ୍ଟର ସେୟାର କରି ଲେଖିଛନ୍ତି, ‘ମତେ ସବୁବେଳେ ପଚରାଯାଉଛି କି ଆପଣଙ୍କ ଫେଭରେଟ ମହିଳା କ୍ରିକେଟର କିଏ । ହେଲେ ଆପଣଙ୍କୁ ପଚାରିବା ଦରକାର ଆପଣଙ୍କ ଫେଭରେଟ ଫିମେଲ କ୍ରିକେଟର କିଏ । ସବୁ କ୍ରିକେଟ ପ୍ରେମୀ ଏହି କଥାକୁ ଅନ୍ତମୁଖୀ କରିଦେଇଛନ୍ତି ଯେ କଣ ସେ ଏହି ଖେଳକୁ ପସନ୍ଦ କରୁଛନ୍ତି ନା ଏହାକୁ ଖେଳୁଥିବା ଲିଙ୍ଗକୁ । ସ୍କିପର, ୟୁ ଅଲ୍ଟିମେଟ ଗେମ ଚେଞ୍ଜର ।’

ପ୍ରକାଶ ଥାଉକି ‘ସାବାସ୍ ମିଠୁ’ ଫିଲ୍ମର ନିର୍ଦ୍ଦେଶନା ଦାୟିତ୍ବ ତୁଲାଉଛନ୍ତି ନିର୍ଦ୍ଦେଶକ ରାହୁଲ ଢୋଲକିୟା । ଫିଲ୍ମର ପ୍ରଯୋଜା କରୁଛି ବାୟକମ 18 ଷ୍ଟୁଡିଓ । ଫିଲ୍ମ ଆସନ୍ତା ମାସ 5 ତାରିଖରେ ରିଲିଜ ହେବାକୁ ଯାଉଛନ୍ତି ।