ମୁମ୍ବାଇ: ଚୁଲବୁଲି ଅଭିନେତ୍ରୀ ତାପସୀ ପନ୍ନୁ ଗତକାଲି ସୋସିଆଲ ମିଡିଆରେ ଘୋଷଣା କରିଥିଲେ କି ମେ 30 ଅର୍ଥାତ୍ ଆଜି ତାଙ୍କ ବହୁ ଚର୍ଚ୍ଚିତ ଫିଲ୍ମ 'ଗେମ ଓଭର'ର ଟ୍ରେଲର ରିଲିଜ ହେବ । ଯାହା ପରିଶେଷରେ ଆଜି ରିଲିଜ ହୋଇଯାଇଛି । ତିନୋଟି ଭାଷାରେ ରିଲିଜ ହୋଇଥିବା ଏହି ଫିଲ୍ମ ଟ୍ରେଲରେ ଲୋମହର୍ଷଣକାରୀ ଦୃଶ୍ୟ ଦେଖିବାକୁ ମିଳିଛି । ହରର, ଥ୍ରିଲର ଉପରେ ଆଧାରିତ ଏହି ଫିଲ୍ମର କାହାଣୀରେ ଦିଲ୍ଲୀ, ଏନସିଆରର ଏକ ଘଟଣାକୁ ପର୍ଯ୍ୟବେଷିତ କରାଯାଇଛି ।
ଫିଲ୍ମଟିକୁ ଅନୁରାଗ କଶ୍ୟପ, ୱାୟ ନଟ ଷ୍ଟୁଡିଓ ଏବଂ ରିଲାଏନ୍ସ ଏଣ୍ଟରଟେନମେଣ୍ଟ ଏକାଠି ମିଶି ତିଆରି କରିଛନ୍ତି । ସେହିପରି ଫିଲ୍ମର ନିର୍ଦ୍ଦେଶନା ଦାୟିତ୍ବ ତୁଲାଇଛନ୍ତି ନିର୍ଦ୍ଦେଶକ ଅଶ୍ବିନ ସରୱନନ ।