ହାଇଦ୍ରାବାଦ: ସ୍ବରା ସେହି ବଲିଉଡ ଅଭିନେତ୍ରୀଙ୍କ ମଧ୍ୟରୁ ଜଣେ, ଯିଏ ସୋସିଆଲ ମିଡିଆରେ ଅନେକ ସମୟରେ ଟ୍ରୋଲ ହୁଅନ୍ତି । ଖାସ୍ କରି ସ୍ବରାଙ୍କୁ ଟ୍ରୋଲ କରିବା ପାଇଁ ୟୁଜର୍ସ ଯେମିତି ଚାହିଁ ବସିଥାନ୍ତି । ତେବେ ସ୍ବରା ବି କିଛି କମ୍ ନୁହଁନ୍ତି । ୟୁଜର୍ସଙ୍କୁ କଡା ଜବାବ ଦେବା ପରେ ହିଁ ସେ ଶାନ୍ତିରେ ବସନ୍ତି । ବର୍ତ୍ତମାନ ଏମିତି ହିଁ କିଛି ଘଟିଛି ସୋସିଆଲ ମିଡିଆ ୟୁଜରଙ୍କ ସହିତ ।
ସ୍ବରା ଗୋଟିଏ ଦିନ ପୂର୍ବରୁ ସୋସିଆଲ ମିଡିଆ ମାଧ୍ୟମରେ କହିଥିଲେ ଯେ, ସେ ଏବଂ ତାଙ୍କ ପରିବାର କୋରୋନା ସଂକ୍ରମିତ ହୋଇଛନ୍ତି। ସେ ଆଇସୋଲେସନ୍ରେ ଅଛନ୍ତି। ତାଙ୍କର ଏହି ପୋଷ୍ଟରେ ଟ୍ରୋଲରମାନେ ମନ୍ତବ୍ୟ ଦେବା ଆରମ୍ଭ କରିଦେଇଛନ୍ତି । ଅଭିନେତ୍ରୀ ପ୍ରତି ଥର ପରି, ତାଙ୍କର ଏହି ପୋଷ୍ଟରେ କଡା ଉତ୍ତର ଦେଇଛନ୍ତି ।
ସ୍ବରା ଗତକାଲି ରାତିରେ ନିଜ ଟ୍ବିଟରରେ କିଛି ସ୍କ୍ରିନସଟ୍ ସେୟାର କରିଛନ୍ତି । ଏହି ସ୍କ୍ରିନସଟ୍ରେ ବିଭିନ୍ନ ଲୋକ ସ୍ବରାଙ୍କୁ ଅଶ୍ଳୀଳ ମନ୍ତବ୍ୟ ଦେଇଛନ୍ତି । ସ୍ବରା ଏସବୁକୁ ଏକାଠି କରି ସେମାନଙ୍କୁ ଜବାବ ଦେଇଛନ୍ତି । ସ୍ବରା ଏହି ସ୍କ୍ରିନସଟରେ ଉଲ୍ଲେଖ କରିଛନ୍ତି ଯେ ସେ ହଠାତ୍ ଟ୍ରେଣ୍ଡ କରିବା ଆରମ୍ଭ କରିଛନ୍ତି । ଜଣେ ୟୁଜର ସ୍ବରାଙ୍କୁ ଦୁର୍ବ୍ୟବହାର କରି ଲେଖିଛନ୍ତି ଯେ, ସେ ଏହି ପୃଥିବୀ ଛାଡି ନର୍କକୁ ଯିବା ଉଚିତ । ଏହିପରି ଅନେକ ୟୁଜର୍ସ ତାଙ୍କ ମୃତ୍ୟୁ ପାଇଁ କାମନା କରିଛନ୍ତି । ସ୍ବରା ସମସ୍ତଙ୍କୁ ଏକ ସଠିକ୍ ଉତ୍ତର ଦେଇଛନ୍ତି ।
ଏହି ସମସ୍ତ ସ୍କ୍ରିନସଟ୍ ସେୟାର୍ କରି ସ୍ବରା କ୍ୟାପସନରେ ଲେଖିଛନ୍ତି ଯେ- ମୋତେ ଘୃଣା କରୁଥିବା ସମସ୍ତ ଟ୍ରୋଲରଙ୍କୁ, ଯେଉଁମାନେ ମୋର ମୃତ୍ୟୁ କାମନା କରୁଛନ୍ତି । ବନ୍ଧୁଗଣ, ତୁମର ଭାବନାକୁ ନିୟନ୍ତ୍ରଣରେ ରଖ, ଯଦି ମୋ ସହିତ କିଛି ଘଟେ, ତାହେଲେ ତୁମ ଜୀବିକା ଚାଲିଯିବ । ଘର କେମିତି ଚାଲିବ ? ତାଙ୍କର ପ୍ରଶଂସକ ବନ୍ଧୁମାନେ ସ୍ବରାଙ୍କର ଏହି ନିର୍ଦ୍ଦିଷ୍ଟ ଉତ୍ତରକୁ ପ୍ରଶଂସା କରୁଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
