ମୁମ୍ବାଇ: ଦିଲ୍ଲୀ ବିଧାନସଭା ନିର୍ବାଚନ ଫଳାଫଳକୁ ନେଇ ବି-ଟାଉନର ବିବାଦୀୟ ଅଭିନେତ୍ରୀ ସ୍ବରା ଭାସ୍କରଙ୍କ ଖୁସି ନକହିଲେ ସରେ । ସେ ମଙ୍ଗଳବାର ଆମ ଆଦମୀ ପାର୍ଟିର ବିଜୟରେ ଖୁସି ସୋସିଆଲ ମିଡିଆରେ ପ୍ରକାଶ କରିଛନ୍ତି । ସେ ଟ୍ବିଟରରେ ଦୁଇଟି ଟ୍ବିଟ କରି ଦିଲ୍ଲୀବାସୀଙ୍କୁ ଶୁଭେଚ୍ଛା ଜଣାଇଛନ୍ତି ।
ଦିଲ୍ଲୀ ନିର୍ବାଚନ ଫଳାଫଳ: ଖୁସି ଜାହିର କଲେ ସ୍ବରା - ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ
ଦିଲ୍ଲୀ ବିଧାନସଭା ନିର୍ବାଚନରେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଦଳ ଆମ ଆଦମି ପାର୍ଟିକୁ ଜବରଦସ୍ତ ସଫଳତା ମିଳିଛି। ଯାହାର ଖୁସି ବଲିଉଡ ଅଭିନେତ୍ରୀ ସ୍ବରା ଭାସ୍କରଙ୍କ ଟ୍ବିଟରେ ଦେଖିବାକୁ ମିଳୁଛି।
ଫଟୋ ସୌଜନ୍ୟ: ଇନଷ୍ଟାଗ୍ରାମ@ସ୍ବରା ଭାସ୍କର
ଏହାସହ ସେ ଦିଲ୍ଲୀ ସିଏମ ଅରବିନ୍ଦ କେଜ୍ରିୱାଲଙ୍କୁ ମଧ୍ୟ ଶୁଭେଚ୍ଛା ଜଣାଇଛନ୍ତି । ସେ ପ୍ରଥମ ଟ୍ବିଟରେ ଲେଖିଛନ୍ତି, ‘ଦିଲ୍ଲୀ ମେରି ଜାନ, ତୁମ ସେ ଫିର ସେ ପ୍ୟାର ହୋ ଗୟା ହେ।’
ସେହିପରି ଦ୍ବିତୀୟ ଟ୍ବିଟରେ ସେ ଲେଖିଛନ୍ତି, ‘ଅନେକ ଅନେକ ଶୁଭେଚ୍ଛା ଅରବିନ୍ଦ କେଜ୍ରିୱାଲ।’ ପ୍ରକାଶ ଥାଉକି ଦୀର୍ଘ ସମୟରୁ ସ୍ବରା କେନ୍ଦ୍ରର ବିଜେପି ସରକାର ବିରୋଧରେ କହିଆସୁଛନ୍ତି । ସେ ଅନେକଥର ଏନଆରସି, ସିଏଏ ଭଳି ପ୍ରସଙ୍ଗ ଉପରେ ବିରୋଧ ପ୍ରଦର୍ଶନ ମଧ୍ୟ କରିସାରିଛନ୍ତି । ଯାହା ପାଇଁ ତାଙ୍କୁ ସୋସିଆଲ ମିଡିଆରେ ଟ୍ରୋଲର୍ସଙ୍କ ଶିକାର ହେବାକୁ ପଡିଛି ।