ଟ୍ବିଟରରେ ପୁଣି ଟ୍ରେଣ୍ଡ କରୁଛନ୍ତି ସୁଶାନ୍ତ, ଜାଣନ୍ତୁ କାହିଁକି...

ଏଯାବତ ସୁଶାନ୍ତଙ୍କ ମୃତ୍ୟୁରେ ଦୁଃଖି ସମସ୍ତେ । ହେଲେ ଓଟିଟି ପ୍ଲାଟଫର୍ମରେ ରିଲିଜ ହେବାକୁ ଯାଉଥିବା ତାଙ୍କ ଶେଷ ଫିଲ୍ମକୁ ବ୍ଲକବଷ୍ଟର କରାଇବାକୁ ନିଷ୍ପତ୍ତି ନେଇଛନ୍ତି ଫ୍ୟାନ୍ସ।

ମୁମ୍ବାଇ: ସୁଶାନ୍ତ ସିଂ ରାଜପୁତଙ୍କ ଶେଷ ଫିଲ୍ମ ‘ଦିଲ ବେଚେରା’ ଆଜି(ଶୁକ୍ରବାର) ଡିଜନି ପ୍ଲସ ହଟଷ୍ଟାରରେ ସନ୍ଧ୍ୟା 7.30ରେ ରିଲିଜ ହେବ। ଯାହାକୁ ନେଇ ଦୀର୍ଘ ସମୟରୁ ଉତ୍ସାହିତ ଫ୍ୟାନ୍ସ । ସୁଶାନ୍ତଙ୍କୁ ଶ୍ରଦ୍ଧାଞ୍ଜଳି ଦେବାକୁ ଯାଇ ଫିଲ୍ମ ମେକର୍ସ ସମସ୍ତଙ୍କ ପାଇଁ ଫିଲ୍ମ ଦେଖିବା ମାଗଣା କରିଦେଇଛନ୍ତି । ଏଯାବତ ତାଙ୍କ ମୃତ୍ୟୁକୁ କେହି ବିଶ୍ବାସ କରିପାରୁନାହାଁନ୍ତି । ତାଙ୍କ ସ୍ମୃତିରେ ପ୍ରାୟ ସମସ୍ତେ ସୋସିଆଲ ମିଡିଆେ ତାଙ୍କ ସହ ସମ୍ପୃକ୍ତ ଥିବା ଜିନିଷ ସେୟାର କରିବାରେ ଲାଗିଛନ୍ତି । ସେହିପରି ଫିଲ୍ମ ରିଲିଜ ହେବା ପୂର୍ବରୁ ବର୍ତ୍ତମାନ ସୋସିଆଲ ମିଡିଆରେ ##SSRDidntCommitSuicide ଟ୍ରେଣ୍ଡ କରାଇବା ଆରମ୍ଭ କରିଦେଇଛନ୍ତି ଫ୍ୟାନ୍ସ।

ଏବେ ଟ୍ବିଟର ବନ୍ୟା ଦେଖିବାକୁ ମିଳୁଛି ଟ୍ବିଟରରେ । ଜଣେ ୟୁଜର ‘ଦିଲ ବେଚେରା’ ଫିଲ୍ମର ପୋଷ୍ଟ ସେୟାର କରି ଲେଖିଛନ୍ତି, ‘ଆଜି ଆମ ସମସ୍ତଙ୍କ ପାଇଁ ବଡ ଦିନ ହେବା ସହ ସୁଶାନ୍ତଙ୍କ ପରିବାର ପାଇଁ ବି । ତେବେ ଆସନ୍ତୁ ସେଲିବ୍ରେଟ କରିବା ଦିଲ ବେଚେରା । ଫିଲ୍ମକୁ ବ୍ଲକବଷ୍ଟର କରାଇବା ।’

ସେହିପରି ଆଉ ଜଣେ ୟୁଜର ଲେଖିଛନ୍ତି, ‘ସବୁ ଜିନିଷ ପାଇଁ ଅନେକ ଅନେକ ଧନ୍ୟବାଦ ସୁଶାନ୍ତ । ଲଭ ୟୁ ପରଏଭର ।’ ତୃତୀୟ ୟୁଜର ଲେଖିଛନ୍ତି, ‘ତାଙ୍କର ହତ୍ୟା ହୋଇଛି । ଆମେ ସମସ୍ତେ ମିଶି ତାଙ୍କ ପାଇଁ ଫାଇଟ୍ କରିବାକୁ ଜାଣିନୁ କେମିତି କିନ୍ତୁ କରିବୁ ।’

ପ୍ରକାଶ ଥାଉକି ‘ଦିଲ ବେଚେରା’ର ଜବରଦସ୍ତ ଟ୍ରେଲର ନିକଟରେ ରିଲିଜ ହୋଇଥିଲା । ଯାହାକୁ ଖୁବ୍ ପସନ୍ଦ କରିଥିଲେ ଦର୍ଶକ । ଫିଲ୍ମରେ ସୁଶାନ୍ତ ଅପୋଜିଟ୍ ନଜର ଆସିବେ ସଞ୍ଜନା ସାଙ୍ଘୀ । ଯିଏ ଏହି ଫିଲ୍ମ ଜରିଆରେ ବଲିଉଡରେ ଡେବ୍ୟୁ କରିବାକୁ ଯାଉଛନ୍ତି । ଅନ୍ୟପଟେ ସୁଶାନ୍ତଙ୍କ ବନ୍ଧୁ ତଥା କାଷ୍ଟିଂ ନିର୍ଦ୍ଦେଶକ ମୁକେଶ ଛାବଡା ମଧ୍ୟ ନିର୍ଦ୍ଦେଶନାରେ ଡେବ୍ୟୁ କରିବେ ।