ମୁମ୍ବାଇ: ନିକଟରେ ସୁଶାନ୍ତ ସିଂ ରାଜପୁତଙ୍କ ମାମଲାରେ ଅଭିନେତ୍ରୀ ସୁଚିତ୍ରା କ୍ରିଷ୍ଣାମୂର୍ତ୍ତି ପ୍ରତିକ୍ରିୟା ଦେଇ ଚର୍ଚ୍ଚାରେ ଆସିଥିଲେ । ସେ ସୁଶାନ୍ତଙ୍କ ଗାର୍ଲଫ୍ରେଣ୍ଡ ରିଆ ଚକ୍ରବର୍ତ୍ତୀ ଓ ଫେମସ ନିର୍ମାତା ମହେଶ ଭଟ୍ଟଙ୍କ ମଧ୍ୟରେ ଥିବା ସମ୍ପର୍କ ଉପରେ ପ୍ରଶ୍ନବାଚୀ ସୃଷ୍ଟି କରି ଅନେକ କଥା କହିଥିଲେ । ଏହାସହ ସେ ଚାହୁଁଛନ୍ତି ଏହି କେସରେ ପଚରାଉଚରା ପାଇଁ ସିବିଆଇରୁ ମହେଶଙ୍କୁ ଡକାଯାଉ । ଇତିମଧ୍ୟରେ ତାଙ୍କୁ ନେଇ ନୂଆ ଖବର ସାମ୍ନାକୁ ଆସିଛି । ବର୍ତ୍ତମାନ ସେ ସଚ୍ ଭାରତ ଅଭିଯାନ ଆରମ୍ଭ କରିଛନ୍ତି ସୁଶାନ୍ତଙ୍କ କେସରେ । ଯାହାଦ୍ବାର ସତ ସାମ୍ନାକୁ ଆସିବ ବୋଲି ସେ ଚାହୁଁଛନ୍ତି ।
ଏହି ବିଷୟରେ ସେ ଏକ ଟ୍ବିଟ କରି ଜଣାଇଛନ୍ତି, ‘ଚାଲନ୍ତୁ ଆରମ୍ଭ କରିବା ସଚ୍ ଭାରତ ଅଭିଯାନ ସୁଶାନ୍ତ ସିଂ ରାଜପୁତଙ୍କ ନାମରେ । ଭାରତକୁ ପୁଣିଥରେ ଆମ ଆଇନ ବ୍ୟବସ୍ଥା ଉପରେ ବିଶ୍ବାସ କରିବାକୁ ହେବ । ଯାହାଦ୍ବାରା ସତ ଓ ନ୍ୟାୟ ମିଳିପାରିବ ।’