କିଙ୍ଗ ଖାନ ଲାଡଲୀଙ୍କ ଭିନ୍ନ ଅବତାର, ୟୁଜର୍ସ କଲେ ଟ୍ରୋଲ

ବଲିଉଡ ଷ୍ଟାରକିଡ୍ସଙ୍କ ମଧ୍ୟରେ ସବୁବେଳେ ଚର୍ଚ୍ଚାରେ କିଙ୍ଗ ଖାନ ଶାହରୁଖ ଖାନଙ୍କ ଝିଅ ସୁହାନା ଖାନ। ପ୍ରାୟତଃ ସବୁବେଳେ ସୋସିଆଲ ମିଡିଆରେ ତାଙ୍କର ଭିନ୍ନ ଫଟୋ ଦେଖିବାକୁ ମିଳିଥାଏ। ଇତିମଧ୍ୟରେ ଗୋଟିଏ ଫଟୋକୁ ନେଇ ଟ୍ରୋଲର୍ସଙ୍କ ଶିକାର ହୋଇଛନ୍ତି ସୁହାନା।

ହାଇଦ୍ରାବାଦ: ନିଜ ଫଟୋକୁ ନେଇ ଚର୍ଚ୍ଚାରେ ରହୁଥିବା ଶାହରୁଖ ଖାନଙ୍କ ଝିଅ ସୁହାନା ଖାନ ପୁଣି ଚର୍ଚ୍ଚାରେ। ସୁହାନା ସବୁବେଳେ ସୋସିଆଲ ମିଡିଆରେ ମଧ୍ୟ ଆକ୍ଟିଭ ରୁହନ୍ତି। ସୁହାନା ନିଜ ଫ୍ୟାନ୍ସଙ୍କ ସହ ଯୋଡି ହେବା ପାଇଁ ନୂଆ ନୂଆ ଫଟୋ ସେୟାର କରୁଥିବାର ନଜର ଆସିଥାନ୍ତି।

ଏଥର ମଧ୍ୟ ସୁହାନା ନିଜ ଇନଷ୍ଟାଗ୍ରାମରେ ଏକ ଫଟୋ ସେୟାର କରିଛନ୍ତି। ଫଟୋରେ ସୁହାନା ଅଚେତ ଅବସ୍ଥାରେ ନଜର ଆସୁଛନ୍ତି। ଏହାସହ ସେ ହାତରେ ଏକ ଗ୍ଲାସ ମଧ୍ୟ ଧରିଛନ୍ତି। ବର୍ତ୍ତମାନ ଏହି ଫଟୋ ପାଇଁ ସୁହାନାଙ୍କୁ ସୋସିଆଲ ମିଡିଆରେ ଟ୍ରୋଲ ହେବାକୁ ପଡିଛି ।

ଫଟୋ ଦେଖି ଜଣାପଡୁଛି ଯେ, ସେ ବନ୍ଧୁଙ୍କ ସହ କୌଣସି ପାର୍ଟିର ଖୁବ୍ ଉପଭୋଗ କରୁଛନ୍ତି। ଯେଉଁଠାରୁ ସେ ବନ୍ଧୁଙ୍କ ସହ ଫଟୋ କ୍ଲିକ କରି ସୋସିଆଲ ମିଡିଆରେ ସେୟାର କରିଛନ୍ତି। ଫଟୋର କ୍ୟାପସନରେ ସୁହାନା 'ଫ୍ରେଣ୍ଡ୍ସ' ଶବ୍ଦର ବନାନ ଭୁଲ ଲେଖା ହୋଇଥିବାର ଦେଖାଯାଇଛି। ଯାହା ପାଇଁ ସୁହାନା ଟ୍ରୋଲ ହୋଇଛନ୍ତି। ଜଣେ ୟୁଜର୍ସ ତାଙ୍କ କ୍ୟାପସନର ମଜାକ ଉଡାଇ ଲେଖିଥିଲେ, "ଫ୍ରେଣ୍ଡସର ସ୍ପେଲିଂ ଠିକ୍ ଲେଖ।"