ମୁମ୍ବାଇ: ଡାନ୍ସକୁ ନେଇ ରେମୋ ଡିସୌଜାଙ୍କ ନିର୍ମିତ ଫିଲ୍ମ 'ଷ୍ଟ୍ରିଟ ଡାନ୍ସର'କୁ ନେଇ ଏବେ ଚାଲିଛି ଅନେକ ଚର୍ଚ୍ଚା । ବରୁଣ ଧୱନ ଓ ଶ୍ରଦ୍ଧା କପୁରଙ୍କ ଅଭିନୀତ ଏହି ଫିଲ୍ମର ନିକଟରେ ଫାଷ୍ଟ ଲୁକ ରିଲିଜ ହୋଇଥିବାବେଳେ ଏବେ ରିଲିଜ ହୋଇଛି ଦୁଇଟି ସୁନ୍ଦର ପୋଷ୍ଟର, ଯାହାକି ଶ୍ରଦ୍ଧା କପୁର ରିଲିଜ କରିଛନ୍ତି ।
ଶ୍ରଦ୍ଧା ଆଜି ନିଜ ସୋସିଆଲ ମିଡିଆ ଆକାଉଣ୍ଟରେ ଫିଲ୍ମ 'ଷ୍ଟ୍ରିଟ ଡାନ୍ସର'ର ଦୁଇଟି ନୂଆ ପୋଷ୍ଟର ପୋଷ୍ଟ କରିଛନ୍ତି । ଗୋଟିଏ ପୋଷ୍ଟରରେ ବରୁଣ, ଶ୍ରଦ୍ଧାଙ୍କୁ ତାଙ୍କ କାନ୍ଧରେ ଉଠାଇଥିବାବେଳେ ଆଉ ଏକ ପୋଷ୍ଟରରେ ବରୁଣ ଫୁଲମ ସ୍ପ୍ଲିଟ କରୁଥିବାବେଳେ ଶ୍ରଦ୍ଧା ବ୍ୟାକ ଫ୍ଲିପ କରିଛନ୍ତି ।