ମୁମ୍ବାଇ:ଶାହରୁଖ ଖାନଙ୍କୁ ପରଦାରେ ଦେଖିବା ପାଇଁ ପ୍ରଶଂସକମାନେ ଉତ୍ସାହର ସହିତ ଅପେକ୍ଷା କରିଛନ୍ତି । ତାଙ୍କ ପ୍ରଶଂସକମାନେ ଶାହାରୁଖଙ୍କୁ ପରଦାରେ ଦେଖିବାକୁ ଏତେ ଆଗ୍ରହୀ ଅଟନ୍ତି ଯେ ସେମାନେ ଅଭିନେତାଙ୍କ ଦ୍ୱାରା ଏକ ବିଜ୍ଞାପନକୁ ହୃଦୟ ଖୋଲି ସ୍ୱାଗତ କରିଛନ୍ତି । ତେବେ ବର୍ତ୍ତମାନ ଶାହାରୁଖ୍ ଖାନ୍ ଚଳଚ୍ଚିତ୍ର ପଠାନ୍ ସହିତ ପ୍ରତ୍ୟାବର୍ତ୍ତନ କରିବାକୁ ପ୍ରସ୍ତୁତ ଅଛନ୍ତି । ଫିଲ୍ମରୁ ତାଙ୍କର ପ୍ରଥମ ଲୁକ୍ ସାମ୍ନାକୁ ଆସିଛି । ପଠାନ ବ୍ୟତୀତ ଶାହାରୁଖ ତାଙ୍କ ପ୍ରଶଂସକଙ୍କ ପାଇଁ ଆଉ ଏକ ବଡ଼ ସରପ୍ରାଇଜ ରଖିଛନ୍ତି ।
ହଁ, ଶାହାରୁଖ ତାଙ୍କର ଶେଷ ଟ୍ୱିଟରେ ଏହି ଉପହାରର ସୂଚନା ଦେଇଛନ୍ତି । 'SRK+ ଶୀଘ୍ର ଆସୁଛି' ର ପୋଷ୍ଟର ସହିତ ଶାହାରୁଖ ଲେଖିଛନ୍ତି - କୁଛ କୁଛ ହୋନେ ବାଲା ହୈ, OTT କି ଦୁନିୟା ମେ...। ଏହା ପୂର୍ବରୁ ଶାହାରୁଖ ତାଙ୍କ ସରପ୍ରାଇଜ ଖୁଲାସା କରନ୍ତେ, ସଲମାନ ଖାନ ତାଙ୍କୁ ଅଭିନନ୍ଦନ ଜଣାଇବା ସହ ଶାହାରୁଖଙ୍କ ନୂତନ OTT ଚ୍ୟାନେଲର ରହସ୍ୟର ପୋଲ ଖୋଲିଦେଲେ।