ରାଜନୀତିରେ ଏବେ ଏଣ୍ଟ୍ରି କରିବେନି ରଜନୀକାନ୍ତ

ସାମ୍ନାକୁ ଆସିଲା ରଜନୀଙ୍କୁ ନେଇ ନୂଆ ଖବର । ବର୍ତ୍ତମାନ ରାଜନୀତିଠୁ ଦୂରେଇ ରହିବେ ବୋଲି ନିଷ୍ପତ୍ତି ନେଇଛନ୍ତି । ଅଧିକ ପଢନ୍ତୁ...

ହାଇଦ୍ରାବାଦ: ସାଉଥ ସୁପରଷ୍ଟାର ରଜନୀକାନ୍ତ ଫିଲ୍ମ ବ୍ୟତୀତ ସାମାଜିକ-ରାଜନୀତି ପ୍ରସଙ୍ଗରେ ନିଜର ପ୍ରତିକ୍ରିୟା ପାଇଁ ସବୁବେଳେ ଚର୍ଚ୍ଚାରେ ରୁହନ୍ତି । କିଛି ଦିନରୁ ସେ ଅନେକ ପ୍ରସଙ୍ଗରେ ଖୋଲାଖୋଲି ଭାବେ ନିଜର ମତ ପ୍ରକାଶ କରୁଥିବା ନଜର ଆସୁଛନ୍ତି । ଯାହାପରେ ଏହି ଚର୍ଚ୍ଚା ହେଉଛି ଯେ ସେ ରାଜନୀତିରେ ପଦାର୍ପଣ କରିବେ। ଇତିମଧ୍ୟରେ ତାଙ୍କ ରାଜନୀତିରେ ପ୍ରବେଶ କରିବା ବିଷୟରେ ଏକ ବଡ ଖବର ସାମ୍ନାକୁ ଆସିଛି।

ଆଉ ଶିଣିବାକୁ ମିଳୁଛି ଯେ ସେ ବର୍ତ୍ତମାନ ରାଜନୀତିରେ ପ୍ରବେଶ କରିବେ ନାହିଁ । ଏହି ନିଷ୍ପତ୍ତି ସେ କୋରୋନା ସଙ୍କଟ ଦୃଷ୍ଟିରୁ ରଖି ନେଇଛନ୍ତି। ପ୍ରତିଦିନ କୋରୋନା ସଂକ୍ରମିତ ସଂଖ୍ୟା ଦେଶର ବଢିବାରେ ଲାଗିଛି । ସେହିପରି ଅନେକ ବଡ ସେଲିବ୍ରିଟି ଏହି ମହାମାରୀର ଶିକାର ହୋଇସାରିଲେଣି। ଏଭଳି ପରିସ୍ଥିତିରେ ରଜନୀକାନ୍ତଙ୍କ ରାଜନୀତିର ଅନୁପସ୍ଥିତି ଏକ ବଡ ନିଷ୍ପତ୍ତି ଭାବରେ ଦେଖାଯାଉଛି।

ଏହି ସୂଚନା ଟ୍ରେଡ ଆନାଲିଷ୍ଟ ରମେଶ ବାଲା ସୋସିଆଲ ମିଡିଆରେ ଦେଇଛନ୍ତି । ସେ ଟ୍ବିଟରରେ ଲେଖିଛନ୍ତି, ‘ଆଜିର ହଟ୍ ନ୍ୟୁଜ । ଅନେକ ମିଡିଆ ଆଉଟଲେଟ୍ସରେ ଦେଖିବାକୁ ମିଳୁଛି ଯେ ସୁପରଷ୍ଟାର ରଜନୀକାନ୍ତ ନିଜ ପରାର୍ମଶଦାତାଙ୍କୁ ଏକ ଇଣ୍ଟରନାଲ ନୋଟ୍ ଲେଖିଛନ୍ତି। ଯେଉଁଥିରେ କହିଛନ୍ତି କୋରୋନା ଏବଂ ନିଜ ସ୍ବାସ୍ଥ୍ୟାକୁ ଦୃଷ୍ଟିରେ ରଖି ବର୍ତ୍ତମାନ ରାଜନୀତିରେ ଏଣ୍ଟ୍ରି କରିବେ ନାହିଁ । ମହାମାରୀ ସମୟରେ ପୋଙ୍ଗଲରେ ପାର୍ଟି ଲଞ୍ଚ କରିବା କଷ୍ଟଦାୟକ ।’