ମୁମ୍ବାଇ:'ସୂର୍ଯ୍ୟବଂଶୀ' ସୁଟିଂ ସେଟର ବିହାଇଣ୍ଡ-ଦି-ସିନ ଫଟୋକୁ ନେଇ ଏବେ ସୋସିଆଲ ମିଡ଼ିଆରେ ହେଉଛି ଖୁବ ଚର୍ଚ୍ଚା । ଅଜୟ ଦେବଗନ ଫିଲ୍ମର ରିଲିଜ ତାରିଖ ସହିତ ଫଟୋକୁ ପୋଷ୍ଟ କରିବା ପରେ ଏହି ଫଟୋକୁ ନେଇ ଚର୍ଚ୍ଚା ଆରମ୍ଭ ହୋଇଛି । ଏଥିରେ ଛତିଶଗଡ଼ ଡିଜି କମେଣ୍ଟ୍ସ ଦେବା ପରେ ଅକ୍ଷୟ ମଧ୍ୟ ଏହାର ପ୍ରତିକ୍ରିୟା ରଖିଛନ୍ତି । ଯାହାକି ସୋସିଆଲ ମିଡ଼ିଆ ୟୁଜର୍ସଙ୍କୁ ଖୁବ ପସନ୍ଦ ଆସିଛି ।
କୋରୋନା ମହାମାରୀରେ ସୁଧାର ଆସିବା ପରେ ମହାରାଷ୍ଟ୍ର ସରକାର ରାଜ୍ୟରେ ସିନେମା ହଲ ଖୋଲିବା ପାଇଁ ଅନୁମତି ଦେଇଛନ୍ତି । ତେବେ ଉଦ୍ଧବ ସରକାରଙ୍କ ଏହି ନିଷ୍ପତ୍ତି ଉପରେ ବଲିଉଡ ସୁପରଷ୍ଟାର ଅକ୍ଷୟ କୁମାର ଖୁସିବ୍ୟକ୍ତ କରିବା ସହିତ 'ସୂର୍ଯ୍ୟବଂଶୀ' ଫିଲ୍ମର ରିଲିଜ ତାରିଖ ମଧ୍ୟ ଘୋଷଣା କରିଛନ୍ତି । ଏହା ସହିତ ସେ ସୁଟିଂ ସେଟର ବିହାଇଣ୍ଡ-ଦି-ସିନର ଏକ ଫଟୋ ସେୟାର କରିଛନ୍ତି । ଯେଉଁଥିରେ ରଣବୀର ସିଂ ଟେବୁଲ ଉପରେ ବସିଥିବା ବେଳେ ନିର୍ଦ୍ଦେଶକ ରୋହିତ ସେଟ୍ଟୀ, ଅକ୍ଷୟ ଓ ଅଜୟ ଦେବଗନ ଠିଆ ହୋଇଛନ୍ତି । ଫିଲ୍ମରେ ରଣବୀର ଇନସପେକ୍ଟର ଭୂମିକାରେ ଥିବା ବେଳେ ଅକ୍ଷୟ ଅଛନ୍ତି SP ।
ତେବେ ଛତିଶଗଡ଼ର ଡିଜି ଆର.କେ ବିଜ ଏହି ଫଟୋକୁ ନେଇ ଦେଇଥିଲେ କମେଣ୍ଟ । ଯେଉଁଥିରେ ସେ ଲେଖିଥିଲେ ଯେ ଇନସପେକ୍ଟର ସାହାବ( ରଣବୀର) ବସିଛନ୍ତି, ଆଉ ଏସପି(ଅକ୍ଷୟ) ଠିଆ ହୋଇଛନ୍ତି । ବାସ୍ତବରେ ଏମିତି ହୁଏ ନାହିଁ । ତେବେ ଡିଜିଙ୍କ ଏହି ଟ୍ବିଟ ଉପରେ ଅକ୍ଷୟ ପ୍ରତିକ୍ରିୟା ରଖିଥିଲେ । ସେ କହିଥିଲେ ଯେ ଏହି ଫଟୋଟି ହେଉଛି ସୁଟିଂ ନ ହେଉଥିବା ସମୟର ଫଟୋ । କଳାକାରଙ୍କ ପାଇଁ କ୍ୟାମେରା ଅନ୍ ହେଲେ ସେମାନେ ଭୂମିକାକୁ ପଳାଇ ଆସିଥାନ୍ତି, ଏବଂ ସମସ୍ତ ପ୍ରକାର ପ୍ରୋଟୋକଲ ମାନିଥାନ୍ତି । ତେବେ ଆମ ଦେଶର ମହାନ ପୋଲିସ ବଳକୁ ସେ ପ୍ରଣାମ ଜଣାଇଥିଲେ । ତେବେ ଡିଜି ଫିଲ୍ମଟି ଦେଖିଲେ ତାଙ୍କୁ ପସନ୍ଦ ଆସିବ ବୋଲି ଅକ୍ଷୟ କହିଥିଲେ ।