ମୁମ୍ବାଇ: କରୋନା ଭାଇରସ କାରଣରୁ ଜାରି ରହିଥିବା ଲକଡାଉନ ପାଇଁ ମୁମ୍ବାଇରେ ଫସି ରହିଥିବା ପ୍ରବାସୀ ଶ୍ରମିକମାନଙ୍କୁ ତାଙ୍କୁ ନିଜ ଘରେ ପହଞ୍ଚାଇବାରେ ସାହାଯ୍ୟ କରୁଛନ୍ତି ବଲିଉଡ ଅଭିନେତା ସୋନୁ ସୁଦ । ତେବେ ସମସ୍ତେ ସୋନୁଙ୍କର ଏହି କାର୍ଯ୍ୟକୁ ପ୍ରଶଂସା କରୁଛନ୍ତି ।
ସୋନୁଙ୍କ ସାହାଯ୍ୟରେ ନିଜ ଘରେ ପହଞ୍ଚୁଥିବା ଶ୍ରମିକମାନେ ଅଭିନେତାଙ୍କୁ ନିଜ ନିଜ ଉପାୟରେ ଧନ୍ୟବାଦ ଦେଉଛନ୍ତି । ଏହି ସମୟରେ ଏକ ଭିଡିଓ ସାମ୍ନନାକୁ ଆସୁଛି । ଯେଉଁଠାରେ ଜଣେ ବ୍ୟକ୍ତି ତାଙ୍କ ମାଙ୍କୁ ଭେଟିବା ପରେ ସୋନୁଙ୍କୁ ଧନ୍ୟବାଦ ଦେଉଛନ୍ତି । ବ୍ୟକ୍ତିଜଣକ ସୋନୁ ସୁଦଙ୍କୁ ଇଶ୍ବରଙ୍କ ମାନ୍ୟତା ଦେଇ ତାଙ୍କୁ ପୂଜା କରୁଛନ୍ତି ।
ଏହି ଭିଡିଓରେ ବ୍ୟକ୍ତି ଜଣଙ୍କ ଭଗବାନଙ୍କ ଫଟୋ ନିକଟରେ ସୋନୁ ସୁଦଙ୍କ ଫଟୋ ରଖି ପୂଜା କରୁଥିବାର ଦେଖିବାକୁ ମିଳିଛି । ଏହି ଭିଡିଓ ସେୟାର କରି ବ୍ୟକ୍ତିଜଣଙ୍କ କ୍ୟାପସନରେ ଲେଖିଛନ୍ତି, ଜୋ ମା ସେ ମିଲା ଦେ ଓ୍ବ ଭଗବାନ ହୋତା ହେ । ପ୍ରତ୍ୟେକ ବ୍ୟକ୍ତି ସୋନୁଙ୍କ ପରି ଭଗବାନ ନୁହଁନ୍ତି । ସୋନୁ, ମୁଁ ତୁମକୁ କେବଳ ଭଗବାନ ବୋଲି ମନେ କରେ । ତୁମେ ମୋର ସ୍ୱପ୍ନକୁ ପୂରା କରି ମୋତେ ମୋ ମା ପାଖକୁ ଆଣିଲ । ଧନ୍ୟବାଦ ।
ଏହି ଭିଡିଓକୁ ସୋନୁ ତାଙ୍କ ଟ୍ୱିଟରରେ ସେୟାର କରି ଲେଖିଛନ୍ତି, ଆରେ ଭାଇ, ଏସା ମତ କର । ମା ସେ କେହେନା ମେରେ ଲିୟେ ଭି ରୋଜ ଦୁଆ ମାଙ୍ଗ ଲେ । ସବ ସେଦି ହୋ ଜାୟେଗା ।
ବ୍ୟୁରୋ ରିପୋର୍ଟ, ଇଟିଭି ଭାରତ