ମୁମ୍ବାଇ: ଦୀର୍ଘସମୟ ପରେ ପୁଣି ଶୁଣିବାକୁ ମିଳୁଛି ଲୋକପ୍ରିୟ ଗାୟକ ସୋନୁ ନିଗମଙ୍କ ଜବରଦସ୍ତ ଗୀତ । ଫେମସ ମ୍ୟୁଜିକାଲ କମ୍ପାନୀ ସୋନିର 'ନୈନା' ଆଲବମର ଦ୍ବିତୀୟ ଗୀତ 'କିଥେ ଜାୱେ' ରିଲିଜ ହୋଇଯାଇଛି । ଯାହାକୁ ଗାଇଛନ୍ତି ସୋନୁ । ଅନ୍ୟପଟେ ଫିଲ୍ମ ଜଗତର ଚର୍ଚ୍ଚିତ ଗୀତ 'ଆ ତୋ ସହି' ଗାୟିକା ଅକାସା ଏହି ଗୀତରେ ରାପ ଦେଇଥିବାର ଶୁଣିବାକୁ ମିଳୁଛି ।
ଏହି ଆଲବମର ପ୍ରଥମ ଗୀତ 'ତେରେ ଦୋ ନୈନା'କୁ ଖୁବ୍ ଚର୍ଚ୍ଚାରେ ରହିଥିଲା । ଦର୍ଶକ ଗୀତଟିକୁ ବେଶ ପସନ୍ଦ ମଧ୍ୟ କରିଥିଲେ । ଯାହାକୁ ଗୌରଭ ଓ ରୋଶିନ ଗାଇଥିଲେ । ଏହି ଅବସରରେ ସୋନୁ କହିଛନ୍ତି କି ଗୀତଟିକୁ ସେ ଭିନ୍ନ ଅନ୍ଦାଜରେ ଗାଇଛନ୍ତି । ସେ ଗୀତରେ କିଛି ଭିନ୍ନ କରିବାକୁ ଚାହୁଁଥିଲେ । ଯାହାଦ୍ବାରା ଗୀତଟିକୁ ଦର୍ଶକ ପସନ୍ଦ କରିପାରିବେ ।