ମୁମ୍ବାଇ: ଆଜି ପୁରା ଦେଶ ଇଦ ଉତ୍ସବରେ ରଙ୍ଗୀନ ହୋଇଛି । ଏହି ଅବସରରେ ବଲିଉଡ ଷ୍ଟାର୍ସ ମଧ୍ୟ ସୋସିଆଲ ମିଡିଆରେ ସ୍ପେଶାଲ ପୋଷ୍ଟ କରିବାରେ ଲାଗିଛନ୍ତି । ଷ୍ଟାର୍ସ ନିଜ ନିଜ ଅନ୍ଦାଜରେ ଫ୍ୟାନ୍ସଙ୍କୁ ଇଦର ଶୁଭେଚ୍ଛା ଓ ଶୁଭକାମନା ଜଣାଇଛନ୍ତି । ଏହି କ୍ରମରେ ବି-ଟାଉନର ଡିଭା ସୋନମ କପୁର ମଧ୍ୟ ଫ୍ୟାନ୍ସଙ୍କୁ ଇଦର ଶୁଭେଚ୍ଛା ଜଣାଇଛନ୍ତି । ଗୋଟିଏ ପୋଷ୍ଟରେ ସେ ଫ୍ୟାନଙ୍କୁ ଶୁଭେଚ୍ଛା କରିଥିବା ବେଳେ ଆଉ ଏକ ପୋଷ୍ଟରେ ନିଜ ଶାଶୁମା'ଙ୍କ ସ୍ପେଶାଲ ଗିଫ୍ଟ ବିଷୟରେ ଫ୍ୟାନ୍ସଙ୍କୁ କହୁଥିବାର ନଜର ଆସୁଛନ୍ତି ।
କଥାଟି ହେଲା କି ଇଦ ଅବସରରେ ସୋନମଙ୍କ ଶାଶୁ ପ୍ରିୟା ଆହୁଜା ତାଙ୍କୁ ଏକ ଶାନଦାର ଉପହାର ଦେଇଛନ୍ତି । ସୋନମ ଇଣ୍ଡିଆନ ଅଟାୟରରେ ଏକ ଫଟୋ ସେୟାର କରିଛନ୍ତି । କ୍ୟାପସନରେ ସେ ଲେଖିଛନ୍ତି, "ପ୍ରିୟା ଆହୁଜା ଧନ୍ୟବାଦ, ଆପଣ ସବୁବଳେ ମୋ ପାଇଁ ଖାସ୍ ଉପହାର କିଣୁଛନ୍ତି । ଇଦରେ ଏହି ନୂଆ ଆଉଟଫିଟ. ଲଭ ୟୁ ମମ ।" ସବୁଥର ପରି ଏହି ଫଟୋରେ ମଧ୍ୟ ସୋନମ ଖୁବ୍ ସନ୍ଦର ନଜର ଆସୁଛନ୍ତି ।