ନୂଆଦିଲ୍ଲୀ: ଗତକାଲି ପୁରା ଦେଶ ପାଳିଥିଲା ପ୍ରେମ ଦିବସ ଅର୍ଥାତ୍ 'ଭାଲେଣ୍ଟାଇନ ଡେ' । ଏଥିରୁ ବାଦ ପଡିନାହାଁନ୍ତି ଅଭିନେତ୍ରୀ ସୁସ୍ମିତା ସେନ । ଗତ ଗୁରୁବାର ସନ୍ଧ୍ୟାରେ ଇନଷ୍ଟାଗ୍ରାମରେ ଏକ ଭିଡିଓ ସେୟାର କରିଛନ୍ତି । ଯେଉଁଥିରେ ସେ ନିଜ ଘରେ ଭାଲେଣ୍ଟାଇନ ସେଲିବ୍ରେଟ କରୁଥିବାର ନଜର ଆସୁଛନ୍ତି । ଏହାକୁ ସେୟାର କରି ସେ ଫଟୋ ସୌଜନ୍ୟରେ ନିଜ ବୟଫ୍ରେଣ୍ଡ ଅର୍ଥାତ୍ ମଡେଲ ରୋହମନ ସୌଲଙ୍କ ନାମ ଲେଖିବା ସହ ଆଇ ଲଭ ୟୁ ରୋହମନ ମଧ୍ୟ ଲେଖିଛନ୍ତି ।
ସୁସ୍ମିତାଙ୍କ ମ୍ୟାଜିକାଲ 'ଭାଲେଣ୍ଟାଇନ ଡେ'
ଭାଲେଣ୍ଟାଇନ ଅବସରରେ ଅଭିନେତ୍ରୀ ସୁସ୍ମିତା ସେନ ସୋସିଆଲ ମିଡିଆରେ ଏକ ଭିଡିଓ ସେୟାର କରିଛନ୍ତି । ଯେଉଁଥିରେ ଦେଖିବାକୁ ମିଳିଛି ତାଙ୍କ ବୟଫ୍ରେଣ୍ଡ ରୋହମନ ସୌଲ ଭାଲେଣ୍ଟାନର ସରପ୍ରାଇ ଦେଇଥିବାର ।
ସୁସ୍ମିତା ଏବଂ ତା ଦୁଇ ଝିଅ ରେନେ, ଅଲିଶାଙ୍କ ପାଇଁ ଶାନଦାର ରୂପେ ଭାଲେଣ୍ଟାଇନ ଡେର ସେଲିବ୍ରେସନ୍ କରିଥିଲେ ରୋହମନ । ସେ ହାର୍ଟ-ସେପଡ ବେଲୁନରେ ସମସ୍ତଙ୍କ ନାମ ଲେଖିବା ସହ ଭାଲେଣ୍ଟାଇନ ଡେ ଜଣାଇଥିଲେ । ଆଉ ଏକ ବେଲୁନରେ ଲଭ ୟୁ ଜାନ ମଧ୍ୟ ଲେଖିଛନ୍ତି ରୋହମନ । ଖାଲି ଏତିକି ନୁହେଁ ସେ ପୁରା ଘରକୁ ଗୋଲାପ ଫୁଲ ଓ କ୍ୟାଣ୍ଡଲ ଲାଇଟ୍ସରେ ସଜାଇଥିବାର ଦେଖାଯାଇଥିଲା ।
ରୋହମନଙ୍କ ସରପ୍ରାଇଜରେ ଖୁବ୍ ଖୁସି ଥିବାର ସୁସ୍ମିତାଙ୍କ ଚେହେରାରୁ ଜଣାପଡୁଛି । ପ୍ରକାଶ ଥାଉକି କିଛି ଦିନରୁ ରୋହମନ ଓ ସୁସ୍ମିତା ଡେଟିଂ ଖବର ଜୋର ଧରିଛି । ଅନ୍ୟପଟେ ଦୁଇଜଣଙ୍କୁ ଏକାଠି ଅନେକ ସ୍ଥାନରେ ମଧ୍ୟ ଦେଖିବାକୁ ମିଳିସାରିଛି । ସୋସିଆଲ ମିଡିଆରେ ଦୁଇଜଣ ପରସ୍ପରକୁ ପ୍ରେମ କରୁଛନ୍ତି ବୋଲି ଅନେକଥର ସୂଚନା ଦେଇସାରିଲେଣି ।