ହାଇଦ୍ରାବାଦ: ଫିଲ୍ମ ମିର୍ଚିରେ ଶିଳ୍ପା ସେଟ୍ଟୀଙ୍କ ପ୍ରଥମ ଅତିଥି ଭାବରେ ଶେହନାଜ ଗିଲଙ୍କୁ ଦେଖିବାକୁ ମିଳିବ । ସୋ’ର ସେଟରେ ଏହି ତାରକାଙ୍କୁ ମିଡିଆ କ୍ୟାମେରାରେ କଏଦ କରିଥିଲା । ଗଣମାଧ୍ୟମ ସାମ୍ନାରେ ପୋଜ୍ ଦେଉଥିବାବେଳେ ଏହି ଦୁଇ ସୁନ୍ଦରୀ ପରସ୍ପରର ହାତ ଧରିଥିବାର ନଜର ଆସିଛନ୍ତି ।
ଗତ କିଛି ଦିନ ତଳେ ଉଭୟ ଅଭିନେତ୍ରୀ ସେମାନଙ୍କ ଜୀବନର ସବୁଠାରୁ ଖରାପ ସମୟ ସାମ୍ନା କରିଥିଲେ । ଯେଉଁଠାରେ ଶେହନାଜ ଗିଲ ସିଦ୍ଧାର୍ଥ ଶୁକ୍ଳାଙ୍କ ଦେହାନ୍ତ ପରେ ଏକଲା ପଡିଯାଇଥିଲେ ଏବଂ ଶିଳ୍ପା ସେଟ୍ଟୀଙ୍କ ସ୍ବାମୀ ରାଜ କୁନ୍ଦ୍ରାଙ୍କୁ ପର୍ଣ୍ଣୋଗ୍ରାଫି ମାମଲାରେ ଜେଲକୁ ଯିବାକୁ ପଡିଥିଲା। ଏଭଳି ପରିସ୍ଥିତିରେ ଉଭୟ ଅଭିନେତ୍ରୀଙ୍କୁ ଏହି ଚାଟ୍ ସୋ'ରେ ସେମାନଙ୍କ ଜୀବନର ଭଲ ଏବଂ ଖରାପ ସ୍ମୃତିର କାହାଣୀ ସେୟାର କରୁଥିବା ଦେଖିବାକୁ ମିଳିବ।