ହାଇହଦ୍ରାବାଦ: 'ଶର୍ମାଜୀ ନମକିନ୍' (Sharmaji Namkeen) ଋଷି କପୁରଙ୍କ ଶେଷ ଚଳଚ୍ଚିତ୍ର, ଯାହାକୁ ଲୋକମାନେ ବହୁ ସମୟ ଧରି ଅପେକ୍ଷା କରିଥିଲେ । ଫିଲ୍ମର ପ୍ରିମିୟର OTTରେ ହେବାକୁ ଯାଉଛି । ମୃତ୍ୟୁ ପୂର୍ବରୁ ଋଷି କପୁର ଏହି ଚଳଚ୍ଚିତ୍ରର ଅନେକ ଅଂଶ ସୁଟିଂ କରିଥିଲେ, କିନ୍ତୁ ତାଙ୍କ ମୃତ୍ୟୁ ପରେ ପରେଶ ରାୱଲ ବାକି ଫିଲ୍ମର ସୁଟିଂ ଶେଷ କରିଥିଲେ। ଆଜି ଫିଲ୍ମର ଟ୍ରେଲର ରିଲିଜ୍ ହୋଇଛି (Sharmaji Namkeen trailer Out) ।
‘ଶର୍ମାଜୀ ନମକିନ୍’ ଏକ ଫ୍ୟାମିଲ ଏଣ୍ଟରଟେନର ଫିଲ୍ମ। ଏଥିରେ ନିଜକୁ ଖୋଜୁଥିବା ଜଣେ ଅବସରପ୍ରାପ୍ତ ମଣିଷର ଜୀବନ କାହାଣୀ ଦେଖିବାକୁ ମିଳିଛି, ଯିଏ କୁକିଙ୍ଗ୍ ଉପରେ ସବୁ ଦକ୍ଷତା ପାର୍ କରି ଯାଇଛନ୍ତି। ଫିଲ୍ମର ନିର୍ଦ୍ଦେଶନା ହିତେଶ ଭାଟିଆ ଦେଇଥିବା ବେଳେ ପ୍ରଯୋଜନା କରିଛନ୍ତି ରିତେଶ ସିଧଓ୍ଵାନୀ ଓ ଫରହାନ ଅଖତରଙ୍କ ଏକ୍ସେଲ ଏଣ୍ଟରଟେନମେଣ୍ଟ। ଏହା ବ୍ୟତୀତ ମ୍ୟାକଗଫିନ ଫିକ୍ଚର୍ସର ଅଭିଷେକ ଚୌବେ ଓ ହନି ତ୍ରେହାନ ମଧ୍ୟ ଏହାର ପ୍ରଯୋଜକ ରହିଛନ୍ତି ।