ମୁମ୍ବାଇ: ‘କବୀର ସିଂ’ ଫିଲ୍ମ ପରଠାରୁ ବଲିଉଡର ଲୋକପ୍ରିୟ ଅଭିନେତା ଶାହିଦ କପୁରଙ୍କ ଡିମାଣ୍ଡ ବଲିଉଡରେ ବଢିଯାଇଛି । ତାଙ୍କର ଏହି ଫିଲ୍ମଟି ବିଶ୍ବ ସ୍ତରରେ 350 କୋଟି ଆୟ କରି ଏବର୍ଷର ସବୁଠାରୁ ଅଧିକ ଆୟ କରିଥିବା ଫିଲ୍ମରେ ସାମିଲ ହୋଇଛି । ‘କବୀର ସିଂ’ରେ ତାଙ୍କ ଦମଦାର ଅଭିନୟର ଖୁବ୍ ଚର୍ଚ୍ଚା ହୋଇଥିବା ବେଳେ ତାଙ୍କ ଆଲୋଚନା ମଧ୍ୟ ସେତିକି ହୋଇଛି । ଯାହାକୁ ନେଇ ଏବେ ଶାହିଦ ନିଜର ପ୍ରତିକ୍ରିୟା ରଖିଛନ୍ତି ।
ସେ ନିକଟରେ ଏକ ଇଭେଣ୍ଟରେ ଯୋଗ ଦେଇଥିଲେ । ଏଠାରେ ତାଙ୍କୁ ଅନେକ ବ୍ୟକ୍ତିଗତ ପ୍ରଶ୍ନ ପଚରା ଯାଇଥିଲା । ଫିଲ୍ମରେ କବୀର ସିଂ ଚରିତ୍ରର ଖରାପ ଗୁଣ ପାଇଁ ନିଜ ଭୂମିକା ପ୍ଲେ କରିବାରେ ତାଙ୍କୁ ଖରାପ ଲାଗିଥିଲା କି ବୋଲି ପ୍ରଶ୍ନ କରାଯାଇଥିଲା ?
ଯାହାର ଜବାବରେ ଶାହିଦ କହିଥିଲେ, ‘ବାଜିଗର’ରେ ଶାହରୁଖ ଖାନ ଅଭିନେତ୍ରୀ ଶିଳ୍ପା ସେଟ୍ଟୀଙ୍କୁ ବିଲ୍ଡିଂରୁ ତଳକୁ ପିଙ୍ଗିବା ଦେଖି ଦର୍ଶକ ଖୁସି ହୋଇଯାଇଥିଲେ । କାରଣ ସେ ନିଜ ପ୍ରତିଶୋଧ ନେଇଥିଲେ । ସେହିପରି ଫିଲ୍ମ ‘ସଞ୍ଜୁ’ରେ ରଣବୀର କପୁର, ସୋନମଙ୍କ ବେକରେ ମଙ୍ଗଲସୂତ୍ର ରୂପେ ଟାୟଲେଟ ସିଟ ପିନ୍ଧାଇଥିଲେ । ସେହି ଫିଲ୍ମକୁ ସବୁ ପୁରସ୍କାର ମିଳିଗଲା । କାହାକୁ କିଛି ଅସୁବିଧା ହେଲା ନାହିଁ ।
ଏହାବ୍ୟତୀତ ଆଗାମୀ ସମୟରେ ‘ଜୋକର’ ନାମକ ଆଉ ଏକ ଫିଲ୍ମ ଆସିବାକୁ ଯାଉଛି । ଯାହା ବିଷୟରେ ସମସ୍ତେ ଶୁଣିଥିବେ । ତାରା ଭୂମିକା ମଧ୍ୟ ଆପଣ ଦେଖିଥିବେ ଟ୍ରେଲରରେ । ସେ କେତେ କ୍ରେଜି । କିନ୍ତୁ ସେ ବୁଝିପାରୁନାହାଁନ୍ତି ଯଦି ସବୁ ଯୁଗରେ ଏପରି ଭୂମିକା ଲେଖାଯାଉଛି ଏବଂ ଆଜି ମଧ୍ୟ ନିର୍ମାତା ଏପରି ଭୂମିକା ନିର୍ମାଣ କରୁଛନ୍ତି । ତେବେ ତାଙ୍କ ଫିଲ୍ମ ‘କବୀର ସିଂ’ ପଛରେ କାହିଁକି ସମସ୍ତେ ପଡିଛନ୍ତି ବୋଲି ଶାହିଦ କହିଛନ୍ତି ।
