ମେଲବର୍ଣ୍ଣ: ବି-ଟାଉନର ସୁପରଷ୍ଟାର ଶାହରୁଖ ଖାନ ଖୁବ ଶୀଘ୍ର ଡକ୍ଟର ଉପାଧିରେ ଭୂଷିତ ହେବାକୁ ଯାଉଛନ୍ତି । କିଙ୍ଗ ଖାନ ଏଥର କୌଣସି ଫିଲ୍ମ କିମ୍ବା ବିଜ୍ଞାପନ କମ୍ପାନୀ ପାଇଁ ନୁହେଁ ବରଂ ସେ ଏବେ ଠାରୁ ରିୟଲ ଲାଇଫରେ ଡକ୍ଟରେଟ ନାମରେ ଜଣାଯିବେ । ଆଜ୍ଞା ହଁ, ଭାରତୀୟ ସିନେ ଜଗତର ଏହି ବିଶିଷ୍ଟ ବ୍ୟକ୍ତିଙ୍କୁ ଦୁନିଆର ପ୍ରତିଷ୍ଠିତ ୟୁନିଭର୍ସିଟି ଡକ୍ଟରେଟ ଡିଗ୍ରୀରେ ସମ୍ମାନିତ କରିବ । ଏହାପରେ ଶାହରୁଖ ଡା. ଶାହରୁଖ ଖାନ ନାମରେ ଜଣାଯିବେ ।
ଶାହରୁଖଙ୍କୁ ନିଜ 'ମିର ଫାଉଣ୍ଡେଶନ' ଜରିଆରେ ଗରିବ ଛୁଆ, ମହିଳାଙ୍କ ସଶକ୍ତିକରଣର ଦିଗରେ ପ୍ରୟାସ କରିବାର ଯୋଗଦାନ ତଥା ଭାରତୀୟ ମନୋରଞ୍ଜନ ଜଗତରେ ନିଜର ଉପଲବ୍ଧି ପାଇଁ ମେଲବର୍ଣ୍ଣରେ ତାଙ୍କୁ ଏହି ସମ୍ମାନରେ ସମ୍ମାନିତ କରାଯିବ । ମେଲବର୍ଣ୍ଣସ୍ଥିତ ଲା ଟ୍ରୋବ ବିଶ୍ବବିଦ୍ୟାଳୟରେ ତାଙ୍କୁ ସମ୍ମାନିତ କରାଯିବ ।