କରନ ଜୋହରଙ୍କ ଧନ୍ୟବାଦ କହିଲେ ଶାହରୁଖ, ଜାଣନ୍ତୁ କାହିଁକି ?

କିଙ୍ଗ ଖାନ ଶାହରୁଖଙ୍କୁ ଉପହାର ସୂରପ ଜ୍ୟାକେଟ ଦେଇଛନ୍ତି ନିର୍ମାତା କରନ ଜୋହର । ଏହି ଉପହାର ପାଇଁ କରନଙ୍କୁ ସୋସିଆଲ ମିଡିଆରେ ଖାସ୍ ଧନ୍ୟବାଦ ଜଣାଇଛନ୍ତି ।

ମୁମ୍ବାଇ: ସୁପରଷ୍ଟାର ଶାହରୁଖ ଖାନ ଖୁବଶୀଘ୍ର ତାମିଲ ନିର୍ଦ୍ଦେଶକଙ୍କ ଆଗାମୀ ଫିଲ୍ମରେ ନଜର ଆସିବେ । ଯାହାର ଖୁଲାସା ସେ ନିକଟରେ କରିଥିଲେ । ଇତିମଧ୍ୟରେ ସେ ନିଜ ବନ୍ଧୁ ତଥା ଫିଲ୍ମ ନିର୍ମାତା କରନ ଜୋହରଙ୍କୁ ନେଇ ମଜାଦାର କଥା କହିଛନ୍ତି । ସେ କରନଙ୍କ ଫ୍ୟାଶନ ସେନ୍ସରୁ ପ୍ରେରଣା ପାଆନ୍ତି ବୋଲି ଖୁଲାସା କରିଛନ୍ତି । ଆଉ ତାଙ୍କ ଫ୍ୟାଶନ ସେନ୍ସକୁ ସବୁବେଳେ କପି ମଧ୍ୟ କରନ୍ତି । ଏହାସହ ସେ କରନଙ୍କୁ ଧନ୍ୟବାଦ ଜଣାଇଛନ୍ତି ତାଙ୍କୁ ଡଷ୍ଟ ଅଫ ଗାଡ୍ସ ଜ୍ୟାକେଟ ଉପହାର ଦେବା ପାଇଁ ।

ଶାହରୁଖ ଜ୍ୟାକେଟ ସହ ଏକ ଫଟୋ ସୋସିଆଲ ମିଡିଆରେ ସେୟାର କରି କ୍ୟାପସନରେ ଲେଖିଛନ୍ତି, ‘ଡଷ୍ଟ ଅଫ ଗାଡ୍ସ ଜ୍ୟାକେଟ ପାଇଁ ଆଉ ଥରେ ଆପଣଙ୍କୁ ଧନ୍ୟବାଦ । ତୁମ ଫ୍ୟାଶନ ସେନ୍ସ ସହ କେବେ ମଧ୍ୟ ଖାପ ଖାଇପାରିବି ନାହିଁ କିନ୍ତୁ ଚେଷ୍ଟ ସବୁବେଳେ ଜାରି ରଖିବି ।’

ଅନ୍ୟପଟେ କରନ ମଧ୍ୟ ଶାହରୁଖଙ୍କ ଏହି କ୍ୟାପସନରେ ହୃଦୟ ଇମୋଜି ପୋଷ୍ଟ କରି ହସିଛନ୍ତି । ପ୍ରକାଶ ଥାଉକି ଗତ ବର୍ଷ ରିଲିଜ ହୋଇଥିବା ‘ଜିରୋ’ ଫିଲ୍ମରେ ନଜର ଆସିଥିଲେ ଶାହରୁଖ । ଏହି ଫିଲ୍ମ ଫ୍ଲପ ହେବା ପରଠାରୁ ସେ ଏଯାବତ ଅନ୍ୟ କୌଣସି ଫିଲ୍ମରେ ଅଭିନୟ କରିନାହାଁନ୍ତି । ନିକଟରେ ଶୁଣିବାକୁ ମିଳୁଥିଲା ଯେ ସେ ବଡ ପ୍ରୋଜେକ୍ଟରେ ସାଇନ କରିନେଇଛନ୍ତି । ଯାହାର ନିର୍ଦ୍ଦେଶନା ଦାୟିତ୍ବ ତୁଲାଇବେ ତାମିଲ ନିର୍ଦ୍ଦେଶକ ।