ମୁମ୍ବାଇ: ସବୁବର୍ଷ ଭାଇଜାନ ସଲମାନ ଖାନ ଯେମିତି ହେଉ ନା କାହିଁକି ଫ୍ୟାନ୍ସଙ୍କ ପାଇଁ ଇଦରେ ଇଦି ଆଣି ଆସିଥାଆନ୍ତି । ସେ ଇଦରେ ନିଜର କୌଣସି ନା କୌଣସି ଫିଲ୍ମ ନିହାତି ରିଲିଜ କରନ୍ତି । ତାଙ୍କ ଇଦ ରିଲିଜ ଫିଲ୍ମକୁ ନେଇ କିଛି ଦିନ ହେବ ଚର୍ଚ୍ଚା ଖୁବ୍ ଚାଲିଛି । କେବେ କ୍ୟାଟ୍ରିନା କୈଫଙ୍କ ସହ ନଜର ଆସିବା କଥା ଶୁଣିବାକୁ ମିଳୁଛି ତ ଆଉ କେବେ ‘ରାଧେ’ ଫିଲ୍ମ ବିଷୟରେ ।
ନିକଟରେ ସଲମାନ ଇଦରେ ରିଲିଜ କରିବା ଫିଲ୍ମ ‘ରାଧେ’ ବିଷୟରେ ଶୁଣିବାକୁ ମିଳିଥିଲା । ଯାହାର ନିର୍ଦ୍ଦେଶନା ଦାୟିତ୍ବ ତୁଲାଇବେ ଅଭିନେତା, କୋରିଓଗ୍ରାଫର, ନିର୍ଦ୍ଦେଶକ ପ୍ରଭୁଦେବା । କିନ୍ତୁ ଏବେ ସଲମାନ ନିଜେ କନଫର୍ମ କରିଛନ୍ତି କି ସେ ‘ରାଧେ’ ନୁହେଁ ନୂଆ ଟାଇଟଲରେ ଏହି ଫିଲ୍ମ ରିଲିଜ କରିବେ । ଖାଲି ଏତିକି ନୁହେଁ ଶୁଣିବାକୁ ମିଳୁଛି ଯେ ସଲମାନଙ୍କ ଏହି ଫିଲ୍ମରେ ଦେଶୀ ଗାର୍ଲ ପ୍ରିୟଙ୍କା ଚୋପ୍ରା ନଜର ଆସିବାର ଥିଲା ।