ମୁମ୍ବାଇ:ବଲିଉଡ଼ ସୁପରଷ୍ଟାର ସଲମାନ ଖାନ ଫିଲ୍ମ ସାଙ୍ଗକୁ ରିଆଲିଟି ଶୋ' ବିଗ ବସ ପାଇଁ ମଧ୍ୟ ବେଶ ଖ୍ୟାତି ଅର୍ଜନ କରିଛନ୍ତି । ଗତ କିଛି ଦିନ ପୂର୍ବରୁ ବିଗବସ ଓଟିଟି ଶେଷ ହୋଇଥିବା ବେଳେ ଆସନ୍ତା ଅକ୍ଟୋବର ୨ ତାରିଖଠାରୁ ଆରମ୍ଭ ହେବାକୁ ଯାଉଛି ବିଗ ବସର ସିଜିନ ୧୫ । ଏହି ଶୋ'ରେ ହୋଷ୍ଟ କରିବା ପାଇଁ ଚଳିତ ବର୍ଷ ସଲମାନ ୩୫୦ କୋଟି ଟଙ୍କା ନେବେ ବୋଲି ଜଣାପଡ଼ିଛି ।
ବିଗ ବସ-୧୫ ପାଇଁ ସଲମାନ ୧୪ ସପ୍ତାହ କାମ କରିବେ । ଏଥିଲାଗି ଦବଙ୍ଗ ଷ୍ଟାର ୩୫୦ କୋଟି ଟଙ୍କା ପାରିଶ୍ରମିକ ନେବେ ବୋଲି ଜଣାପଡ଼ିଛି । ବର୍ତ୍ତମାନ ପର୍ଯ୍ୟନ୍ତ ସଲମାନ ବିଗ ବସର ୧୧ଟି ସିଜିନକୁ ହୋଷ୍ଟ କରିସାରିଥିବା ବେଳେ ପ୍ରତିବର୍ଷ ତାଙ୍କର ପାରିଶ୍ରମିକ ବଢିଥାଏ ବୋଲି ଖବର ଆସିଥାଏ । ଟେଲିଭିଜନରେ କୌଣସି ଶୋ'କୁ ଅଧିକ ପାରିଶ୍ରମିକ ନେଇ ହୋଷ୍ଟ କରିବାରେ ସଲମାନ ହେଉଛନ୍ତି ପ୍ରଥମ । ଯଦି ବାସ୍ତବରେ ସଲମାନଙ୍କୁ ଏତିକି ଶୁଳ୍କ ମିଳେ ତେବେ ସେ କେବଳ ଭାରତରେ ନୁହେଁ, ବରଂ ଦେଶରେ ହାଏଷ୍ଟ ପେଡ଼ ହୋଷ୍ଟ ହେବେ ବୋଲି ସୂଚନା ମିଳିଛି ।