ମୁମ୍ବାଇ: 'ସୁପର ଡାନ୍ସର-3'ର ଏହି ୱିକଏଣ୍ଡ ଖାସ୍ ହେବାକୁ ଯାଉଛି । ମୁଖ୍ୟତଃ ଏଥିପାଇଁ କି ଏଥର ଶୋ ଥିମ ଗୁରୁ ଶିଷ୍ୟ ରଖାଯାଇଛି । ଗୁରୁ ଶିଷ୍ୟ ସମ୍ପର୍କକୁ ସମ୍ମାନ କରୁଥିବା ଏହି ଏପିସୋଡର ମୁଖ୍ୟ ଅତିଥି ରୂପେ ନଜର ଆସିବେ ପପୁଲାର କୋରିଓଗ୍ରାଫର ଫରାହ ଖାନ । ଫରାହ ଏହି ଶୋରେ ଜଜ୍ ରୂପେ ନଜର ଆସୁଥିବା ଗୀତର ମେଣ୍ଟର ମଧ୍ୟ ରହିସାରିଛନ୍ତି । ଏହି ଦୁଇଜଣ ଏକାଠି ଅନେକ ଶାନଦାର ଗୀତରେ ପରଫର୍ମ କରିସାରିଛନ୍ତି । ସେମିତି ଦେଖିବାକୁ ଗଲେ ବଲିଉଡରେ ମଧ୍ୟ ଏହି ଦୁଇଜଣ ଗୁରୁ ଶିଷ୍ୟା ନାମରେ ଫେମସ ।
ଶୋର ସୁଟିଂ ସମୟରେ ଫରାହ ଅନେକ ମଜାଦାର କଥା କହି ସମସ୍ତଙ୍କୁ ହସାଇଥିଲେ । ଯେତେବେଳେ ଅନୁରାଗ ବାସୁ, ଫରାହଙ୍କୁ ପ୍ରଶ୍ନ କରିଥିଲେ କି ବଲିଉଡ ଇଣ୍ଡଷ୍ଟ୍ରିରେ କେଉଁ ହିରୋକୁ ଡାନ୍ସ ଶିଖାଇବାରେ ସବୁଠାରୁ ଅଧିକ କଷ୍ଟ ଲାଗିଥାଏ । ଏହାର ଉତ୍ତରରେ ଫରାହ ଅଭିନେତା ଜ୍ୟାକି ଶ୍ରଫ, ଅନିଲ କପୁର, ପୂଜା ଭଟ୍ଟ ଓ ସଲମାନ ଖାନଙ୍କ ନାମ ନେଇଥିଲେ ।
ସେ କହିଥିଲେ କି ଜ୍ୟାକିଙ୍କୁ ଡାନ୍ସ ଶିଖାଇବା ସବୁଠାରୁ କଷ୍ଟଦାୟକ କାମ । ସେ କ୍ୟାରିୟର ଆରମ୍ଭ ସମୟରେ ଏକ ଫିଲ୍ମ କରୁଥିଲେ । କିନ୍ତୁ ତାଙ୍କ କ୍ୟାରିୟର ଆରମ୍ଭ ହେବା ପୂର୍ବରୁ ଶେଷ ହୋଇ ଯାଇଥାନ୍ତା ବୋଲି ତାଙ୍କୁ ଲାଗିଥିଲା । କାରଣ ତାଙ୍କୁ ଜ୍ୟାକି, ଅନିଲ ଓ ପୂଜାଙ୍କୁ ଡାନ୍ସ ଶିଖାଇବାର ଥିଲା । ସେହି ସମୟରେ ଜ୍ୟାକି ତାଙ୍କୁ କହିଥିଲେ, "ଦେଖ ଭିଡ଼ୁ, ଗୋଟିଏ ସମୟରେ ଲିପସିଙ୍ଗ କରିପାରିବି କିମ୍ବା ଷ୍ଟେପ୍ସ, ଏକାଠି ଦୁଇଟି କାମ କରିପାରିବି ନାହିଁ । "
ଜ୍ୟାକିଙ୍କ ବ୍ୟତୀତ ସଲମାନ ଖାନଙ୍କୁ ନେଇ ମଧ୍ୟ ବଡ ଖୁଲାସା କରିଛନ୍ତି ଫରାହ । ସେ କହିଛନ୍ତି କି ସଲମାନଙ୍କ କ୍ୟାରିୟର ଆରମ୍ଭର ସ୍କ୍ରିନ ଟେଷ୍ଟରେ ପରେ ତାଙ୍କୁ ଡାନ୍ସ ଶିଖାଇବାର ଥିଲା । ତାଙ୍କୁ ଡାନ୍ସ ଶିଖାଇବାର 4 ଘଣ୍ଟା ମଧ୍ୟରେ ସେ ସେଟ ଛାଡିକି ପଳାଇଥିଲେ ଏବଂ ବହୁତ କାନ୍ଦିଥିଲେ । ଏହାପରେ ସେ ଚିନ୍ତା କରିଥିଲେ କି ସଲମାନଙ୍କୁ କେହି ଡାନ୍ସ ଶିଖାଇ ପାରିବେ ନାହିଁ । ଯେତେବେଳେ ସେ ସେଟକୁ ଫେରିଥିଲେ, ତେବେ ଏହା ଜାଣି ସେ ଆଶ୍ଚର୍ଯ୍ୟ ହୋଇଥିଲେ କି ତାଙ୍କୁ ସଲମାନଙ୍କ ଫିଲ୍ମ 'ମେନେଂ ପ୍ୟାର କିୟା' ପାଇଁ ତାଙ୍କୁ ସାଇନ କରିନିଆ ଯାଇଥିଲା ।
