ମୁମ୍ବାଇ: ବଲିଉଡରେ ରୋହିତ ସେଟ୍ଟୀ ଓ ଫାରହା ଖାନ କମେଡି ଫିଲ୍ମ ପାଇଁ ପରିଚିତ ବୋଲି ଆମେ ସମସ୍ତେ ଜାଣିଛେ । କିନ୍ତୁ ଯଦି ଉଭୟ ଏକାଠି ହୋଇ ଗୋଟିଏ ଫିଲ୍ମ କରିବେ, ତେବେ ଭାବନ୍ତୁ ଫିଲ୍ମଟି କେମିତି ହେବ ! ସିମ୍ବାର ସଫଳତା ପରେ ଫିଲ୍ମ ନିର୍ମାତା ରୋହିତ ଶେଟ୍ଟୀ ଏବେ ତାଙ୍କର ଆଗାମୀ ଫିଲ୍ମକୁ ନେଇ ଆରମ୍ଭ କରିଛନ୍ତି ପ୍ରସ୍ତୁତି । କିନ୍ତୁ ଏଥର ଏହି କମେଡି-ଆକ୍ସନ ଫିଲ୍ମଟି ରୋହିତ ଏକା ନୁହେଁ ବରଂ ଫାରହା ଖାନଙ୍କ ସହ ମିଶି ଆରମ୍ଭ କରିବେ ବୋଲି ପ୍ରକାଶ ।
ବିଶିଷ୍ଟ ଫିଲ୍ମ କ୍ରିଟିକ ତରଣ ଆଦର୍ଶ ଟ୍ବିଟରରେ ଫାରହା ଖାନ ଓ ରୋହିତ ଶେଟ୍ଟୀଙ୍କର ଗୋଟିଏ ଫଟୋ ପୋଷ୍ଟ କରି ଲେଖିଛନ୍ତି 'ଏହା ଅଫିସିଆଲ.. ରୋହିତ ତାଙ୍କ ପ୍ରଡକ୍ସନ ହାଉସ ଦ୍ବାରା ପ୍ରସ୍ତୁତ ଏକ କମେଡି-ଆକ୍ସନ ଫିଲ୍ମ ପାଇଁ ଫାରହା ଖାନଙ୍କୁ ସାଇନ କରାଇନେଲେ ।'