ହାଇଦ୍ରାବାଦ: ବଲିଉଡ ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ପରେ ଅଭିନେତ୍ରୀ ରିୟା ଚକ୍ରବର୍ତ୍ତୀଙ୍କୁ ଅନେକ ଅସୁବିଧାର ସମ୍ମୁଖୀନ ହେବାକୁ ପଡିଥିଲା । ଡ୍ରଗ୍ସ ମାମଲାରେ ରିୟାଙ୍କ ନାମ ସାମ୍ନାକୁ ଆସିଥିଲା, ଯେଉଁଥି ପାଇଁ ତାଙ୍କୁ ବହୁତ ଟ୍ରୋଲ ହେବାକୁ ପଡୁଥିଲା । ଏଭଳି ପରିସ୍ଥିତିରେ ରିୟା ସୋସିଆଲ ମିଡିଆରୁ ନିଜକୁ ଦୂରେଇ ରଖିଥିଲେ। କିନ୍ତୁ ବର୍ତ୍ତମାନ ରିୟା ଚକ୍ରବର୍ତ୍ତୀ ସୋସିଆଲ ମିଡିଆକୁ ଫେରିଛନ୍ତି ଏବଂ ପୂର୍ବ ପରି ତାଙ୍କର ସୁନ୍ଦର ସୁନ୍ଦର ଫଟୋ ସେୟାର କରୁଛନ୍ତି ।
ନିକଟରେ ରିୟା ଚକ୍ରବର୍ତ୍ତୀ ଫରହାନ୍ ଅଖତର ଏବଂ ଶିବାନୀ ଦାଣ୍ଡେକରଙ୍କ ବିବାହ ଉତ୍ସବରେ ଯୋଗ ଦେଇଥିଲେ, ଯେଉଁଠି ରିୟା ତାଙ୍କ ପୁରୁଣା ଅନ୍ଦାଜରେ ଫଟୋ ସେୟାର କରିଥିଲେ । ରିୟା ଫରହାନ୍ ଏବଂ ଶିବାନୀଙ୍କ ହଳଦି ସେରିମୋନିର କିଛି ଫଟୋ ସେୟାର କରିଛନ୍ତି, ଯେଉଁଥିରେ ସେ ତାଙ୍କ ପାରମ୍ପାରିକ ପୋଷାକରେ ବହୁତ ସୁନ୍ଦର ଦେଖାଯାଉଛନ୍ତି । ସୋସିଆଲ ମିଡିଆରେ ରିୟାଙ୍କ ଏହି ଫଟୋ ଗୁଡ଼ିକ ଭାଇରାଲ ହେବାରେ ଲାଗିଛି ।