ଓକିଲ ହୋଇ ଭୂତ ସହ ଲଢିବେ ସନାୟା ଇରାନୀ

ଟେଲିଭିଜନର ପପୁଲାର ଚରିତ୍ର ସନାୟା ଇରାନୀଙ୍କୁ ବର୍ତ୍ତମାନ ହରର୍ ଫିଲ୍ମରେ ଦେଖିବାକୁ ମିଳିବ । ରିଲିଜ ହୋଇଛି ବିକ୍ରମ ଭଟ୍ଟଙ୍କ ‘ଘୋଷ୍ଟ’ ଫିଲ୍ମର ଟ୍ରେଲର ।

ହାଇଦ୍ରାବାଦ: ବିକ୍ରଟ ଭଟ୍ଟଙ୍କ ନିର୍ଦ୍ଦେଶିତ ଫିଲ୍ମ ‘ଘୋଷ୍ଟ’ର ଟ୍ରେଲର ରିଲିଜ ହୋଇଛି । ଫିଲ୍ମରେ ପପୁଲାର ଟେଲିଭିଜନ କଳାକାର ସନାୟା ଇରାନୀଙ୍କୁ ଦେଖିବାକୁ ମିଳିଛି । ଟ୍ରେଲରରେ ଡେଜି ଶାହା ମଧ୍ୟ ନଜର ଆସିଛନ୍ତି । ଡେଜି ଶାହାଙ୍କ ହତ୍ୟାର ମକବ୍ଦମା ଚାଲୁଥିବାର ଟ୍ରେଲରରେ ଦେଖିବାକୁ ମିଳିଛି ।

ଏହି ହତ୍ୟା ଘଟଣାର ସମାଧାନ କରୁଥିବାର ସନାୟାଙ୍କୁ ଦେଖିବାକୁ ମିଳିଛି । ରାଜ୍, 1920 ଓ ହଣ୍ଟେଡ୍ ଭଳି ଫିଲ୍ମ କରିସାରିଥିବା ବିକ୍ରମ ପୁଣି ହରର୍ ଫିଲ୍ମ ନେଇ ଆସିଛନ୍ତି । ତେବେ ପୂର୍ବ ରେକର୍ଡ ଅନୁଯାୟୀ, ବିକ୍ରମଙ୍କ ହରର ଫିଲ୍ମ ସମୀକ୍ଷକଙ୍କୁ ବେଶ ପସନ୍ଦ ଆସିଥାଏ । ଖାଲି ଦେଖିବା ବାକି ରହିଲା ‘ଘୋଷ୍ଟ’ ଫିଲ୍ମ ଦର୍ଶକଙ୍କୁ କେତେମାତ୍ରାରେ ଡରାଇପାରୁଛି । ତେବେ ଫିଲ୍ମଟି 18 ଅକ୍ଟୋବରରେ ରିଲିଜ କରାଯିବ ।