‘ସୁପର ଡ୍ୟାନ୍ସର’ରେ ଋଷିଙ୍କୁ ଦିଆଗଲା ଟ୍ରିବ୍ୟୁଟ, ଇମୋସନାଲ ହେଲେ ନୀତୁ

ଜାରି ହୋଇଯାଇଛି ‘ସୁପର ଡ୍ୟାନ୍ସର ଚାପ୍ଟର 4’ର ନୂଆ ପ୍ରୋମୋ ଭିଡିଓ । ଅତିଥି ରୂପେ ନଜର ଆସିବେ ନୀତୁ କପୁର । ଋଷିଙ୍କୁ ଦିଆଯିବ ଟ୍ରିବ୍ୟୁଟ । ଅଧିକ ପଢନ୍ତୁ...

ମୁମ୍ବାଇ: ଟିଭିର ପପୁଲାର ଡ୍ୟାନ୍ସିଂ ରିୟାଲିଟି ଶୋ ‘ସୁପର ଡ୍ୟାନ୍ସର ଚାପ୍ଟର 4’ ଦର୍ଶକଙ୍କ ପସନ୍ଦୀୟ ଶୋ ମଧ୍ୟରେ ଅନ୍ୟତମ । ଏଥିରେ ପ୍ରତିଯୋଗୀଙ୍କ ଦମଦାର ଡାନ୍ସ ଦେଖିବାକୁ ସବୁବେଳ ଚାହିଁ ବସିଥାନ୍ତି ଦର୍ଶକ । ସେହିପରି ଶୋରେ ସେଲିବ୍ରିଟିଙ୍କୁ ମଧ୍ୟ ଦେଖିବାକୁ ମିଳେ । ଏଥର ଏପିସୋଡରେ ନଜର ଆସିବେ ଭେଟେରାନ ଅଭିନେତ୍ରୀ ନୀତୁ କପୁର । ହେଲେ ଶୋରେ ସ୍ବାମୀ ତଥା ଦିବଂଗତ ଅଭିନେତା ଋଷି କପୁରଙ୍କୁ ମନେ ପକାଇ ଭାବୁକ ହୋଇପଡିଛନ୍ତି ସେ ।

ଏହି ଏପିସୋଡରରେ ପ୍ରୋମୋ ଭିଡିଓ ସୋନି ଟିଭ ତରଫରୁ ଇନଷ୍ଟାଗ୍ରାମ ପେଜରେ ସେୟାର କରାଯାଇଛି । ଯେଉଁଥିରେ ପ୍ରତିଯୋଗୀ ଡ୍ୟାନ୍ସ ଏନଜୟ କରୁଥିବାର ନଜର ଆସୁଛନ୍ତି ଅଭିନେତ୍ରୀ । ହେଲେ ଏହାସହ ଋଷିଙ୍କୁ ଦିଆଯାଇଥିବା ଟ୍ରିବ୍ୟୁଟ ଡ୍ୟାନ୍ସରେ ଇମୋସନାଲ ହୋଇଗଲେ ଅଭିନେତ୍ରୀ ।

ବର୍ତ୍ତମାନ ଏହି ପ୍ରୋମୋ ଭିଡିଓକୁ ଖୁବ୍ ପସନ୍ଦ କରୁଛନ୍ତି ଦର୍ଶକ । ଅପକମିଂ ଏପିସୋଡ ଦେଖିବାକୁ ମଧ୍ୟ ବ୍ୟାକୁଳ ଅଛନ୍ତି ସମସ୍ତେ । ଏଯାବତ ଏହି ଭିଡିଓକୁ ଲକ୍ଷରୁ ଅଧିକ ଲାଇକ୍ସ ମଧ୍ୟ ମିଳିସାରିଲାଣି । ଦେଖନ୍ତୁ ଭିଡିଓ...