ହାଇଦ୍ରାବାଦ: ଅଭିନେତ୍ରୀ ରବିନା ଟଣ୍ଡନଙ୍କ ପିତା ତଥା ଚଳଚ୍ଚିତ୍ର ନିର୍ଦ୍ଦେଶକ ରବି ଟଣ୍ଡନଙ୍କ ଦେହାନ୍ତ ହୋଇଛି । ଏହାର ଖବର ଇନଷ୍ଟାଗ୍ରାମରେ ରବିନା ଟଣ୍ଡନ ନିଜେ ସେୟାର କରିଛନ୍ତି । ରବି ଟଣ୍ଡନଙ୍କୁ 87 ବର୍ଷ ବୟସ ହୋଇଥିଲା । ଫଟୋ ସେୟାର କରି ତାଙ୍କ ପିତାଙ୍କୁ ଝୁରୁଛନ୍ତି ରବିନା ଏବଂ କହିଛନ୍ତି ଯେ, ସେ କେବେବି ତାଙ୍କ ପାଖରୁ ଛାଡିବେ ନାହିଁ। ତେବେ ରବି ଟଣ୍ଡନଙ୍କ ମୃତ୍ୟୁ କିପରି ହୋଇଛି ତାହା ଏପର୍ଯ୍ୟନ୍ତ ଜଣା ପଡିନାହିଁ।
ରବିନା ତାଙ୍କ ପିତାଙ୍କ ସହ ଚାରୋଟି ଫଟୋ ସେୟାର କରିଛନ୍ତି । ସେଥିମଧ୍ୟରୁ ଗୋଟିଏ ଫଟୋରେ ସେ ନିଜ ପିତାଙ୍କ ସହିତ ଚାଲୁଛନ୍ତି । ଦ୍ବିତୀୟ ଫଟୋ ହେଉଛି ରବିନାଙ୍କ ପିଲାଦିନର, ଯେଉଁଥିରେ ତାଙ୍କ ପିତା ତାଙ୍କୁ କୋଳରେ ଧରିଛନ୍ତି । ତୃତୀୟ ଫଟୋରେ, ଦୁହେଁ ଏକ ଫଙ୍କସନରେ ଏକାଠି ବସିଛନ୍ତି ଏବଂ ଚତୁର୍ଥ ଫଟୋରେ ରବିନା ବାପାଙ୍କୁ ଧରି ଗାଲରେ ଚୁମ୍ବନ ଦେଉଥିବା ବେଳେ କ୍ୟାମେରା ଆଗରେ ପୋଜ୍ ଦେଉଛନ୍ତି । ରବିନା ଟଣ୍ଡନ୍ ତାଙ୍କ ପିତାଙ୍କ ଫଟୋ ସେୟାର କରି ସୋସିଆଲ ମିଡିଆରେ ଏକ ଭାବପ୍ରବଣ ପୋଷ୍ଟ ଲେଖିଛନ୍ତି । ଚଳଚ୍ଚିତ୍ର ଜଗତର ସମସ୍ତ ଲୋକ ତାଙ୍କ ପୋଷ୍ଟରେ ଶ୍ରଦ୍ଧାଞ୍ଜଳି ଅର୍ପଣ କରୁଛନ୍ତି।