ଫ୍ୟାନଙ୍କ ଆକସ୍ମିକ ମୃତ୍ୟୁରେ ଦୁଃଖିତ ଖିଲଜୀ

ରଣବୀରଙ୍କ ଜଣେ ବଡ ଫ୍ୟାନ ଜତିନଙ୍କ ଆଜି ସକାଳେ ଆକସ୍ମିକ ମୃତ୍ୟୁ ଘଟିଛି । ତାଙ୍କ ମୃତ୍ୟୁରେ ଦୁଃଖି ହୋଇ ରଣବୀର ଜତିନଙ୍କ ଆତ୍ମାକୁ ଶାନ୍ତି ମିଳୁ ବୋଲି ଭଗବାନଙ୍କ ନିକଟରେ ପ୍ରାର୍ଥନା କରିଛନ୍ତି ।

ମୁମ୍ବାଇ: ନିଜ ଫେଭରେଟ ଷ୍ଟାରଙ୍କ ଦୁଃଖ ସୁଖରେ ଫ୍ୟାନ୍ସ ସବୁବେଳେ ସାମ୍ନାକୁ ଆସିଥାଆନ୍ତି । ଏମିତି ବହୁତ କମ ଦେଖିବାକୁ ମିଳିଥାଏ କି ଫ୍ୟାନ୍ସଙ୍କ ଦୁଃଖରେ ମଧ୍ୟ ଷ୍ଟାର୍ସ ଦୁଃଖି ହୁଅନ୍ତି । ବି-ଟାଉନର ଖିଲଜୀ ରଣବୀର ସିଂ ତାଙ୍କ ଫ୍ୟାନ ଜତିନ ଦୁଲେରାଙ୍କ ଆକସ୍ମିକ ମୃତ୍ୟୁରେ ଭାଙ୍ଗି ପଡିଛନ୍ତି । ଜତିନ ବାଥରୁମରେ ପଡିଯିବାରୁ ତାଙ୍କର ମୃତ୍ୟୁ ଘଟିଛି ।

ରଣବୀର ଏହି ଦୁଃଖଦ ଖବର ଶୁଣିବା ମାତ୍ରେ ତାଙ୍କ ଆତ୍ମାର ଶାନ୍ତି ପାଇଁ ସୋସିଆଲ ମିଡିଆରେ ପ୍ରାର୍ଥନା କରିଛନ୍ତି । ସେ ନିଜ ଇନଷ୍ଟାଷ୍ଟୋରୀରେ ଜତିନ ଏବଂ ନିଜର ଅନେକ ଫଟୋ ସେୟାର କରି RIP ଲେଖିଛନ୍ତି ।

ଫଟୋ ସୌଜନ୍ୟ: ସୋସିଆଲ ମିଡିଆ/ଇନଷ୍ଟାଗ୍ରାମ@ରଣବୀର ସିଂ

ଅନ୍ୟପଟେ ଜଣେ ଫଟୋଗ୍ରାଫର ନିଜ ଇନଷ୍ଟାଗ୍ରାମରେ ଜତିନଙ୍କ ମୃତ୍ୟୁ ବିଷୟରେ ସୂଚନା ଦେଇ ଲେଖିଥିଲେ କି ଜତିନ ରଣବୀର ସିଂଙ୍କ ବଡ ଫ୍ୟାନ ଥିଲେ । ବାଥରୁମରେ ହଠାତ୍ ପଡିଯିବାକୁ ତାଙ୍କର ମୃତ୍ୟୁ ଆଜି ସକାଳେ ଘଟିଛି ।